Версия для
слабовидящих

Больше . Сброс . Меньше

"Сулустар баллара"

     Тохсунньу 25 күнүгэр “Айылгы” духуобунас уонна культура киинигэр, оскуолабытыгар сылын аайы үгэс  буолбут тэрээһин, “Сулустар баллара” ыытылынна. Оскуола директора Саха республикатын үөрэҕириитин туйгуна Н.В.Уарова үөрэнээччилэри, төрөппүттэри, ыалдьыттары бэлиэ күнүнэн эҕэрдэлээтэ уонна “Сулустар балларын” аһыллыбытынан биллэрдэ. Бу улахан суолталаах тэрээһиҥҥэ сылы быһа үөрэххэ, спортка, общественнай үлэҕэ ситиһиилэрдээх оҕолор кытталлар. Оҕо бэйэтин сайыннарыыга сыллааҕы үлэтин түмүгэ көстөр үөрүүлээх түгэнэ. Кыһыл дорожканан сценаҕа хааман тахсан наҕараада тутуу, экраҥҥа кини хаартыската, ситиһиилэрэ көстөрө хас биирдии оҕоҕо долгутуулаах, умнуллубат күлүм түгэн буоллаҕа. Бу киниэхэ салҕыы сыллата үрдүк кэрдиискэ тахсан иһэр талаһата буолар.
   Бу үөрүүнү төрөппүттэр, учууталлар, шефтээх тэрилтэлэр тэҥҥэ үллэстэллэр, оҕолору үөрэххэ, спортка, көхтөөх үлэҕэ көҕүлээн араас анал ааттары туттараллар. Ол курдук предметтэринэн  “Историяны бастыҥ билээччи” Скрябин Дима, 11 гум, “Обществознаниеҕа бастыҥ билиилээх” Скрябин Кеша, 11 гум, “Нуучча тылын бастыҥ билээччи” Кривошапкина Алина, 8 мат, “Нуучча литературатын бастыҥ билээччи” Бушкова Ньургуйаана, 11 гум, “Аан дойду культуратын бастыҥ билээччи” Кусаинова Айгуль, 10 кыл., “Физическэй культураны бастыҥ билээччи” Иванова Юля, 11 мат., “Естественнэй предметтэри бастыҥ билээччи” Ван-Чу-Лин Миша, 6 б,  “Математикаҕа  бастыҥ билиилээх” Аммосов Коля, 8 б, “Информатика, ИКТ предметин бастыҥ билээччи” Карпов Петя, 7 в, “Эстетическэй хайысхаҕа бастыҥ билиилээх” Ефремова Илона, 11 мат., “Омук тылын бастыҥ билээччи” Попова Сахаайа, 7 б,  “Саха литературатын бастыҥ чинчийээччи” Макарова Дуня, 11 мат., “Кэскиллээх чинчийээччи” Максимов Айхал, 9 б, “Дьиэҕэ үөрэтии бастыҥ үөрэнээччитэ” Дьячковская Айта, 11 кыл. ааттаннылар. Анал ааттарынан ыҥырыылаах тэрилтэлэр бэлэхтэри туттардылар: Ил Дархан библиотекатыттан Попова В.Д., улуустааҕы саастарын ситэ илик оҕолор дьыалаларын комиссиятыттан Попова Н.Н., нуучча тылын учууталларын холбоһугуттан Захарова Н.Г., оҕо библиотекатыттан Чичигинарова У.Н., киин библиотекаттан Платонова В.А., физическэй культура учууталларын холбоһугуттан Кривошапкин В.Н., айылҕа харыстабылын инспекциятыттан Догордуров М., улуустааҕы үөрэх салаатыттан Монастырева Г.С., Ростелеком тэрилтэттэн Васильева С.Д., музыкальнай оскуолаттан Сивцева А.И.,  улуустааҕы үөрэх салаатыттан Павлова Т.В., “Саҥа олох”  издательскай холбоһуктан Захаров А.А., улуус музейыттан Филиппова М.Е., улуустааҕы инбэлииттэр обществоларыттан Дьячковская Р.Г. 
     “Сулустар баллара” үөрэнээччилэри саҥаттан саҥа ситиһиилэргэ сирдии, төрөппүтү, социуму, оскуоланы сомоҕолуу туруохтун.