Версия для
слабовидящих

Больше . Сброс . Меньше

"Төрөөбүт дойдуҥ айылҕатын бил" акция

Ааспыт 2017 с. дойду үрдүнэн "Ураты харыстанар айылҕа территорияларын" сыла биллэриллэн биһиги улууспутугар үгүс тэрээһин буолан ааспыта. Ол чэрчитинэн Чурапчы улууһугар аан бастаан  "Төрөөбүт дойдуҥ айылҕатын бил" диэн кыраайы үөрэтэр акция ыытыллан дьон сэҥээриитин ылбыта. Элбэх оскуола бу тэрээһини өйөөн, сыл аайы ыытарга этии киллэрбитэ. Олунньу ый устата  оскуолабытыгар быйыл бу акцияҕа  ыытылынна. Естественнэй предмет учууталларын көҕүлээһининэн кылаас ахсын араас темалар бэриллибиттэрэ: "Чурапчыга хас муоста баарый?", " Чурапчы томтордорун историята", "Элиэ - сиэмэх көтөр", "Хатыҥ - Чурапчы символа" уо.д.а. Кылаас салайааччылара, үөрэнээччилэр уонна төрөппүттэр көхтөөхтүк ылсан, хаһыат, библиотека, Интернет ситимин нөҥүө наадалаах информацияны көрдөөн булан, дириҥ ис хоһоонноох 20-н тахса истиэнэ хаһыаттара оскуолабыт көрүдүөрүн киэргэттилэр. Бу акция ыытыллыбыта төрөөбүт нэһилиэкпит Чурапчы 370 сыла туоларынан, ордук тоҕоостоох буолла. Хаһыаттар баай ис хоһоонноох, киһи болҕомтотун тардар гына тупсаҕайдык оҥоһуллан, 5-с кылааска кыраайы үөрэтэр дьарыктарга эбии матырыйаал быһыытынан туһаныллыахтара.