Версия для
слабовидящих

Больше . Сброс . Меньше

“Саха тыла” үөрэнэр кинигэни сүрэхтээһин

   Олунньу 16  күнүгэр алын кылаастарга үөрэнэр “Саха тыла” кинигэни сүрэхтээһин, ону сэргэ улуус алын кылаас учууталларыгар аналлаах «Саҥа үөрэх стандартыгар алын сүһүөх кылаастарга төрөөбүт тылы уонна литератураны үөрэтии» диэн семинар үрдүк таһымнаахтык буолан ааста. Семинар алын кылаас учууталларыгар быһаччы көмөлөһөр, салгыы суолу-ииһи быһаччы тобулар хабааннаах барда. Манна кытыннылар учебник автордара РФ уопсай үөрэхтээһинин бочуоттаах үлэһитэ, СӨ үөрэҕин уонна наукатын министиэристибэтин үөрэх сайдыытын хааччыйар киин тутаах үлэһитэ  Захарова Лариса Васильевна,  РФ уопсай үөрэхтээһинин бочуоттаах үлэһитэ, РФ «РФ Бастыҥ Учуутала» Грант күрэҕин кыайыылааҕа, Уус-Алдан улууһун Лөгөй орто оскуолатын алын кылааһын учуутала Олесова Наталья Семеновна, «Бичик» национальнай кинигэ кыһатыттан Макеева Марина Гаврильевна, оскуолабыт ветеран учуутала - Россия норуотун Үөрэҕириитин уонна СӨ Үөрэҕириитин туйгуна,  СӨ үтүөлээх учуутала Потапова Светлана Ефремовна, оскуолабыт алын кылаастарын учуутала - СӨ Үөрэҕириитин туйгуна, «Чурапчы улууһун үөрэҕин сайдыытыгар өҥөтүн иһин» бэлиэ хаһаайката Баснаева Светлана Афанасьевна.
   Семинар инники чааһыгар оскуола учууталлара аһаҕас уруок көрдөрдүлэр: 1 кылааска «Дорҕоон уоона буукуба», учуутал Максимова Луиза Егоровна, 2 кылааска  «Ханнык? Хайдах?  ыйытыыларга эппиэттиир тыллар»,  учуутал Старостина Прасковья Николаевна, 4 кылааска «Саҥа чаастара», учуутал Хомподоева Лена Прокопьевна.
   Уруоктар кэннилэриттэн саҥа бэчээттэнэн тахсыбыт учебниктар тула кэпсэтии буолла. Манна  автордар учебниктар ис тутулларын туһунан сиһилии кэпсээтилэр. Семинарга Чурапчы улууһун нэһилиэктэриттэн алын кылаас учууталлара кыттыыны ыллылар.
   Семинар иккис чааһыгар С.А.Новгородов аатынан Чурапчы орто оскуолатын алын кылааһын учууталлара  ааптардар кинигэлэринэн үлэлээн бэйэлэрэ мунньуммут опыттарын тарҕаттылар. Ол курдук  2  кылаас айар бөлөҕүн учууталлара саха тылын учебнигар олоҕуран «Тыл толкуйа» электроннай пособиены уонна уус-уран ааҕыыга «Билиини бэрэбиэркэлиир» үөрэнээччи тэтэрээтин, 3 кылаас  учууталлара «Тойоннооһун – айар үлэ» тэтэрээтин, 4 кылаас айар бөлөҕе «Оонньоо, толкуйдаа, кыай» диэн сахалыы лото туһунан билиһиннэрдилэр.
  Түмүккэ ыҥырыылаах ыалдьыттарбыт Чурапчы улууһун социальнай салалтатын салайааччыта Мария Петровна Заболоцкая, Чурапчы нэһилиэгин баһылыгын социальнай боппуруостарга солбуйааччыта  Петр Егорович Гуляев, улуус үөрэҕин салалтатыттан Надежда Егоровна Федорова, «Саҥа олох» редакционнай издательскай холбоһук автономнай тэрилтэтиттэн директора Афанасий Афанасьевич Захаров, улуус кииннэммит библиотекаларын сэбиэдиссэйэ Вера Аполлоновна Платонова кэлэн учебник автордарын эҕэрдэлээн, баҕа санааларын этэн бардылар.
    Семинар кыттыылаахтара дуоһуйан, санаа атастаһан, билиилэрин хаҥатынан тарҕастылар.