Версия для
слабовидящих

Больше . Сброс . Меньше

Спортивнай ситиһиилэрбит

Сэтинньи 26 күнүгэр школа-интернат базатыгар начаалынай кылаастарга “В здоровом теле - здоровый дух” күрэхтэһии ыытылынна. Биһиги хамаандабыт иккис миэстэ буолла. Биирдиилээн куоталаһыыга Баин Саша  60 м үһүс, Дьоллохов Дьулурхан миэстэттэн уһуну ыстаныыга үһүс миэстэни ыллылар. Учуутал – Потапов В.П.

 

 ***

      Руслан Осипов Нерюнгри куоракка Бүтүн Россиятаа5ы Павел Масягин кэриэһигэр ыытыллыбыт, 1997-2000 сыллаах төрүөх уолаттар икки ардыларыгар,  бокс күрэ5эр тэҥнээҕин булбакка бастаан кэллэ.

      Республиканскай турнирга Кузьмин Владик 52 киилэҕэ бастаата уонна «Бастыҥ техникалаах боксер» аатын ылла, Лукин Ян 40 киилэ5э иккис миэстэ буолла.

      Кузьмин Владик Покровскай куоракка ыытыллыбыт Рафаилов аатынан республиканскай  турнирга кыттан кыайыы кынаттанна.  Ол кэнниттэн Биробиджан куоракка кытынна. Нерюнгри куорат баһылыгын бирииһигэр турнирга 1-кы миэстэни ылла. Московскай уобалас, Истра куоратыгар ыытыллыбыт күрэххэ бастаата. Бу ситиһиилэрин түмүгүнэн, норуоттар икки ардыларынааҕы оҕо фондатын кыайыылааҕа буолан, Саха республикатын сүүмэрдэммит хамаандатыгар киирдэ.

      Артур Кравченко аатынан республиканскай турнирга Романов Алик 93 киилэттэн үөһэ ыйааһыҥҥа бастаата.  Тренер Сивцев Николай Капитонович уолаттарын ситиһиилэринэн сиэрдээхтик киэн туттар.

***

     Ахсынньы 3 күнүгэр Дьокуускай куоракка хотугу многоборьеҕа аһаҕас турнир буолан ааста. Республика араас улуустарыттан 101 кыттааччы, 15 хамаанда кыттыыны ыллылар. Биһиги оскуолаттан 6 “а” кылаас үөрэнээччитэ Петров Коля 1 миэстэ буолары ситистэ (тренер Татаринов Г.А.)

 ***

     Ахсынньы 5 күнүгэр «Чурапчы улууһа (оройуона)»МТ  баһылыгын бирииһигэр остуол тенниһигэр улуустааҕы күрэхтэһиигэ Оконешникова Влада 1 миэстэ буолла (тренер Шадрин В.В.)

 ***

     Ахсынньы 15 күнүгэр атах оонньуутугар Федерация Кубогын бирииһигэр республиканскай күрэхтэһиигэ Собакина Аня, 7 “г” кылаас, хамаанданан зачекка 2 миэстэ буолары ситистэ (тренер Собакин П.Д.).

***

     Дириҥ нэһилиэгэр ыытыллыбыт хапсаҕайга оскуолалар икки ардыларынааҕы спартакиадаҕа Романов Алик, Тимофеев Алик, Сивцев Ариан, Елисеев Эрхан, Дьячковский Вова биһиги оскуолабытыгар 1 миэстэни аҕалан үөрүүбүт үрдээтэ.

***

     Дьокуускай куоракка спорт маастара Д.Попов бирииһигэр тустууга республиканскай турнирга Елисеев Эрхан – 3, Адамов Коля – 3 миэстэ буолары ситистилэр. (тренер Токпоков Е.Н.).

     9 “б” кылаас үөрэнээччилэрэ Платонова Муся уонна Майя Нерюнгри куоракка А.Запорожскай бирииһигэр көҥүл тустууга Дальнай Восток турнирыгар кыттан кэллилэр. Улахан көбүөргэ Муся иккис миэстэ буолан, тапталлаах Чурапчыбыт, Сахабыт сирин киэҥ түһүлгэҕэ дуораччы ааттатта (тренер Токпоков Е.Н). Бу дьоһун кыайыыны аҕалбыт Мусяны, кыттыыны ылбыт Майяны оскуолабыт учууталларын, үөрэнээччилэрин ааттарыттан истиҥник эҕэрдэлиибит! Кыргыттарбыт үгүс омук оҕотун түмэр «Азия оҕолоро» норуоттар икки ардыларынааҕы оонньууга кыттыахтара, тустуу түһүлгэтигэр үгүс ситиһиилэниэхтэрэ диэн эрэлбитин этэбит, ситиһиини баҕарабыт