Версия для
слабовидящих

Больше . Сброс . Меньше

"Көтүөххэ үрдүккэ хотойдуу"

  Кулун тутар 13 күнүгэр XIII-c улуустааҕы "Көтүөххэ үрдүккэ хотойдуу " уоланнар ааҕыылара Д.П.Коркин аатынан спортивнай интернат-оскуолаҕа ыытылынна. Биһиги оскуолаттан икки бөлөх уол кытынна. Бастакы бөлөххө киирбит 6-7 кылаас уолаттара (салайааччылар Пестерева Т. М., Яковлева Д. Н.) саха улуу поэтын П. А. Ойуунускай үбүлүөйүн көрсө кини уоттаах-төлөннөөх хоһооннорунан  ,,Дирбиэн-дарбаан күннэргэ" дьүһүйүүнү толордулар. Уолаттарбыт улахан түһүлгэҕэ аан бастаан сүрэхтэниилэрэ, сүрдээҕин табыллан ис сүрэхтэриттэн иэйэн ааҕыылара истээччилэри долгутта, биһирэннэ. Онтон иккис бөлөххө киирбит 7,8,11 кылаас уолаттара (салайааччылар : Еремеева С. И. , Борисова М. А., Неустроева И. И., Дьяконов В. К) "Кынаттаах ыралаах "Дьикти саас " дьүһүйүүнэн кыттан 2 степеннээх дипломунан наҕараадаланна. Дьүһүйүү саха народнай суруйааччыта В. С. Яковлев - Далан төрөөбүтэ 90 сылын бэлиэтиир датаҕа ананна.