Версия для
слабовидящих

Больше . Сброс . Меньше

«Заяви о себе!» инклюзивнай фестиваль

     Кулун тутар 14 күнүгэр П.А.Ойуунускай аатынан Саха академическай театрга бастакы норуоттар икки ардыларынааҕы «Заяви о себе!» диэн ааттаах «Smart-art» инклюзивнай фестиваль буолан ааста.  Барыта республика араас улуустарыттан 164 сайаапка киирбит, кыттааччыта 280, ыҥырыылаах ыалдьыта 30 тан тахса. Аллараа Халыматтан, Анабаартан, Ханты – Мансийскай Автономнай уокуругтан тиийэ кэлбиттэр. Инклюзивнай үөрэхтээһин баар араас дойдуларыттан Нидерландыттан, Южнай Кореяттан, Ямайкаттан, Великобританияттан, оннооҕор Южно-Африканскай Республикаттан тиийэ педагогтар кэлэн жюрига үлэлээтилэр, төгүрүк остуолга кытыннылар уонна дойдуларыгар бу опыты эстафета курдук тарҕатан сыаллаахтар. 
  Аhыллыытыгар 14 улуус представитэллэрин парадтара буолла. Проектары көмүскээһин үс хайысханан барда. ”Тэтим. Ритм“ (музыкальнай, үҥкүү мастерствота), ”Толкуй. Интеллект” (техническай, моделирование), ”Уус –уран. Искусство” (декоративнай-прикладной искусство). Фестивальга кыттыы икки түһүмэҕинэн барбыта. Маҥнайгы отборочнай тур кэтэхтэн заявкалары ыытыы, онтон ыҥырыынан тиийэҕин.
   Биһиги оскуолаттан музыкальнай оскуола “Новый вздох” куруһуок  иитиллээччилэрэ Кычкина Күннэй (3 кыл.), Павлова Алена (5 кыл.), Афанасьева Карина (3 кыл.) уонна быйыл биһиги оскуолаттан  баран балетнай оскуолаҕа үөрэнэ сылдьар 4-с кылаас үөрэнээччилэрэ Таныков Эрхан, Степанов Богдан ылластылар. Салайааччылара Петрова Татьяна Афанасьевна. Декоративно-прикладной хайысхаҕа Павлова Алена  (сал. Тимофеева Н.М) уонна Дьячковскай Леня (6б кыл) балтынаан Лералыын ситиһиилээхтик кытыннылар. Кинилэр проектара “Возрождение спортивных атрибутов из конского волоса” диэн, салайааччы төрөппүт Дьячковская Т .С. уонна  Шарина В.В. дистанционнай оскуола педагога. Түмүккэ Гран При ыланнар дипломунан уонна кубогынан наҕараадаланнылар.
   Фестиваль иккис күнэ мөлтөхтүк истэр, көрөр оҕолор оскуолаларыгар буолла. “Хакатон” инклюзивнай хамаандалар күрэхтэрэ 3 түһүмэҕинэн буолла. ”Музыкальнай, театральнай” уонна “Декоративно-прикладной”, ”Толкуй. Интеллект“ хайысхаларынан буолла. Биһиги оҕолорбут барытыгар көхтөөхтүк кытыннылар, волонтердар оҕолорго көмөҕө бааллар. Тэрээһин үрдүк таһымҥа барда. Төрөппүттэргэ, салайааччыларга төгүрүк остуолга инклюзия тула кэпсэтии буолла. Оҕолору кытыннарбыт салайааччыларга махтал суруктары туттардылар.
   Маннык улахан таһымнаах дьаһалга барарга кэлэргэ босхо транспорынан хааччыйбыт оскуолабыт директорыгар Уарова Н.В. оҕолор,төрөппүттэр, учууталлар ааттарыттан махталбытын тиэрдэбит.