Версия для
слабовидящих

Больше . Сброс . Меньше

«Построение системы образовательной работы в условиях ФГОС»

     Бу дьыл кулун тутар 11-18 куннэригэр  оскуолабыт 10 учуутала Казань куоракка  «Построение системы образовательной работы в условиях ФГОС» диэн курска  путевканан, профессиональнай курэх кыайыылаахтара, алын кылаас учууталлара Л.Е. Максимова, А.Д. Захарова, география учуутала Л.С. Макарова; төрөөбүт тыл уонна литература, СРНК  учууталлара В.К. Дьяконов, И.И. Неустроева, математика учуутала О.К. Собакина; омук тылын учуутала Н.Д. Ким; физкультура учууталлара В.В. Степанов, Д.К. Седалищев, черчение, ОБЖ учуутала Д.П. Соловьев буолан үөрэнэн кэллибит.
    Авиапорка салайааччыбыт, ГАОУ ДПО «Татарстан республикатын  үөрэҕи сайыннарар институт» ректорын солбуйааччыта,  Замалатдинова Зальфира Исхаковна көрүстэ. Куорат киинигэр баар «Булгар» отельга түстүбүт.


  Бастаан 20 №-дээх национальнай гимназияҕа «Роль национального образования в обеспечении сохранения и развития языка, культуры и традиций татарского народа» семинарга сырыттыбыт. Манна одареннай оҕону кытта үлэ туһунан кэпсээтилэр, оскуола музейдарын көрдүбүт.  Салгыы Татарстан республикатын 100 бастыҥ оскуола иһигэр киирбит 7 №-дээх уоланнар лицейдэригэр «ФГОС и индивидуализированный маршрут обучающегося» диэн темаҕа кэпсэттибит. Оскуола директора  Ахметов А.М. көрсөн, оскуола үлэтин билиһиннэрдэ. Араас уруоктары, маастар-кылаастары көрдүбүт. CLIL технологияны таһыччы баһылаабыт эбиттэр. Эбиэттэн киэһэ Казань международнай оскуолатыгар экскурсияҕа сырыттыбыт. Үөрэх барыта омук тылынан барар. Уруогу учуутал уонна ассистент ыытар, оскуолаҕа икки бассейн, атриум, скалодром,  театр, толору хааччылыылаах лабораториялар, сынньанар зал (бильярд, остуол футбола) баарыттан сөхтүбүт.  Үһүс күммүтүгэр «Иннополис» диэн саҥа оройуон интернат-лицейыгар «Создание вариативной образовательной среды» диэн ааттаах семинарга ыалдьыттаатыбыт. Бу оскуола иккис сылын улэлиир. Салгыы 45 №-дээх Сокуровскай оройуон орто оскуолатыгар «Формирование УУД на уроках с помощью обучающих структур и мыслительных приемов» темалаах уруоктары, маастар-кылаастары көрдүбүт. Сингапурскай методиканан уруоктары, маастар – кылаастары көрдөрдүлэр. Бүтэһик күммүтүгэр Советскай оройуон 175 №-дээх орто оскуолатыгар үөрэхпитин түмүктээтибит. Оскуола «Применение технологии индивидуализированного обучения в урочной и во внеурочной деятельности» диэн семинары ыытта. Бардовскай ырыа кулуубугар оҕолор араас композитордар ырыаларын толордулар, бүтэһигэр саха народнай поэта Семен Данилов «Саха үҥкүүтэ» ырыаны сахалыы ыллаан соһутан долгуттулар. Эбии үөрэхтээһин эҕэрдэ кэнсиэринэн, удостоверение туттарыытынан түмүктэннэ.
     Биэс күн устата Казань куорат кэрэ көстүүлээх миэстэлэрин кэрийэн, дуоһуйа сынньанан, эбии саҥа көрүүлээх, билиини хаҥатан, астынан кэллибит.
     Оскуолабыт салалтатыгар туһалаах үөрэххэ ыыппыккытыгар барҕа махталбытын тиэрдэбит.