Версия для
слабовидящих

Больше . Сброс . Меньше

Оскуолабыт лидерын таллыбыт

   Алтынньы ый бүтэһик нэдиэлэтигэр оскуола лидерын талыыга быыбар хампаанньата ыытылынна. Үс кандидат турбута: Скрябин Ярик (10 мат кыл.), Захаров Ваня (10 гум кыл.), Дьячковский Вова (9 в кыл.). Кандидаттар быыбардааччыларга бэйэлэрин программаларын билиһиннэрдилэр, салгыы дебат буолла. Уолаттар үһүөн да сөптөөх кандидаттар турбуттара. Онтон субуотаҕа 5-11 кылаастарга, учууталларга быыбар ыытылынна. Түмүккэ баһыйар куолас ахсаанын ылан Ваня Захаров оскуола лидеринэн буолла. Бүтүн Союзтааҕы Ыччат Коммунистическай Союһун 100 сыллаах үбүлүөйүн бэлиэ күнүгэр инаугурация ыытылынна. Оскуола директора Н.В.Уарова Ваняны бу бэлиэ түгэҥҥэ Лидер буолбутунан эҕэрдэлээн туран анал бэлиэни туттарда. Ваня оскуола оҕолорун, учууталларын иннигэр долгуйан туран андаҕарын эттэ. Ваняҕа күүстээх хамаанданы тэринэн күүстээх үлэни ыытарыгар баҕарабыт.