Версия для
слабовидящих

Больше . Сброс . Меньше

“Добру и пониманию путь открыт”

 

 Аан дойду үрдүнэн доруобуйаларыгар хаарчахтаах дьоҥҥо ыытыллар декада чэрчитинэн, биһиги оскуолабытыгар “Добру и пониманию путь открыт”- диэн ааттаах декада ыытылынна. Оскуола үрдүнэн “Ты не один”- диэн акция биллэриллэн, 1-11 кылааска диэри үөрэнээччилэр бары көхтөөхтүк кытыннылар, уустук доруобуйалаах доҕотторугар истиҥ сыһыаннарын, өйөбүллэрин көрдөрдүлэр. Доруобуйаларыгар хаарчахтаах оҕолорго декада устата хатыламмат сэргэх араас тэрээһиннэр ыытылыннылар. “Харысхал” БФ “Движение без барьеров”- республикатааҕы общество специалиһа Попова Н.М.  оҕолорго параолимпийскай оонньуу көрүҥүн-боччаны билиһиннэрбитин оҕолор олус сэргээтилэр, үөрдүлэр-көттүлэр. Инники олохторугар туһаайан, оҕолору экскурсияҕа пекарняҕа, кулинарияҕа сырытыннардыбыт, күннэтэ сиир килиэптэрэ, минньигэс астара: торт, пирожнай, бичиэнньэ хайдах астанарын көрөн, харахтара кэҥээтэ, олус дуоһуйдулар, эбиитин илиилэригэр коржик, пирожнай ылан, дьиэлэригэр кэһиилээх тарҕастылар. Маны таһынан оскуола остолобуойун сэбиэдиссэйэ Нюрбина Михайловна “Пирожнай киэргэлэ”- диэн маастар кылаас ыыппыта, оҕолору үөртэ.

 

   Инклюзивнай үөрэхтээһин чэрчитинэн, уустук доруобуйалаах дьиэҕэ үөрэнэр оҕолор уонна доруобай оҕолор кыттыһан, В.Катаев “Цветик-Семицветик” остуоруйатынан театрализованнай постановка оонньоон көрдөрдүлэр, көрөөччүлэр сэҥээриилэрин ыллылар. Оскуола 4д кылааһын салайааччыта Зырянова Т.Н.,  “Радость” о5о сайдар киинин театрализованнай куруһуок салайааччыта Собакина А.И, дьиэҕэ иитии-үөрэтии салайааччыта Феоктистова Е.Ф. оҕолору бэлэмнээн, 4д кылаас оҕолоро олус кыһаллан, сүрүн оруоллары толордулар.
    Доруобуйаларыгар хаарчахтаах оҕолор төрөппүттэригэр “Правильное понимание инвалидности”- диэн тренинг-интерактивнай сэргэх семинары Попова Н.М. ыытта.
  Декада тэрээһиннээхтик ыытылларыгар күүс-көмө буолбут оскуолабыт администрациятыгар, остолобуойбут үлэһиттэригэр барҕа махтал буолуохтун. Доруобуйата олус мөлтөх, сылдьар ыырдара кыараҕас оҕолор сайдар эйгэлэрэ кэҥээн истин, инникигэ сырдык эрэл санаалара күүһүрдүн! Өйөбүллээх киһи өлөн-охтон биэрбэт, үтүө санаа, үтүө быһыы, истиҥ доҕордуу сыһыан өрүү кыайа туруохтун!