Версия для
слабовидящих

Больше . Сброс . Меньше

Уол о5олорго аналлаах история олимпиадата

    Олунньу 22 күнүгэр сыллата ыытыллар оскуолабыт буойун учуутала, Саха АССР уонна РСФСРС  үтүөлээх учуутала, Чурапчы улууһун бастакы Бочуоттаах гражданина Степан Кузьмич Макаров үтүө аатын үйэтитэр аналлаах уол оҕолорго аналлаах история олимпиадата 9-с төгүлүн ыытылынна.
   Олимпиадаҕа алталыы чилиэннээх улуус  оскуолаларыттан биэс хамаанда кииристэ. Бастакы түһүмэҕинэн «Северная война Петра Великого» диэн темалаах олимпиада буолла. Олимпиада түмүгэ биирдиилээн таҕыста: 8-с кылаастарга бастакы миэстэни  Мандаров Мичил (Д.П.Коркина аатынан спортивнай оскуола-интернат), иккиһи Уваров Тимур (Д.П.Коркина аатынан спортивнай сокуола-интернат), үсүһү Собакин Айтал (Соловьев орто оскуолата)ыллылар, 9-с кылаастарга бастакы миэстэни Филиппов Витя (С.А.Новгородов аатынан Чурапчы орто оскуолата), иккиһи Собакин Ньургун (Мырыла орто оскуолата), үсүһү Сибиряков Денис ( Мырыла орто оскуолата)ыллылар, 10-с кылаастарга бастакы миэстэни Илларионов Марк (Мугудай орто оскуолата), иккиһи Иванов Эльдар (Мугудай орто оскуолата), үсүһү Канаев Мичил (Д.П.Коркина аатынан спортивнай оскуола-интернат) ыллылар.
   Иккис түһүмэххэ хамаандалар уопсай эт-хаан өттүнэн бэлэмнэригэр эстафетанан күрэхтэстилэр. Уопсайа түөрт көрүҥҥэ (противогазтаах сүүрүү, Калашников автоматын ыһыы, хомуйуу, анньыныы, граната быраҕыы) күүстээҕин көрдөрөн С.А.Новгородов аатынан «Дарханнар” хамаанда бастаата, Д.П.Коркина аатынан спортивнай оскуола-интернат хамаандата иккистээтэ, Соловьев орто оскуолатын “Тэйэр” хамаандата үһүстээтэ.
  Тэрээһиҥҥэ Степан Кузьмич балта Мария Кузьминична ыалдьыттаата, кыттыылаахтарга баҕа санаатын анаата уонна кыайыылаахтарга аймахтар ааттарыттан бириистэри туттартаата. Маны таһынан тэрээһиҥҥэ сиэн уолаттара кыттыыны ыллылар. С.К.Макаров аатынан Чурапчытааҕы гимназия 5-с кылааһын үөрэнээччитэ Женя Макаров хоһоон бэлэхтээтэ, С.А.Новгородов аатынан Чурапчы орто оскуолатын 6-с кылааһын үөрэнээччитэ Петя Макаров уруһуйдарын быыстапкатын туруорда.