Версия для
слабовидящих

Больше . Сброс . Меньше

Сэмэн Тумат 75 сааһын көрсө

    Олунньу 28 күнүгэр,  биир дойдулаахпыт, поэт, прозаик, критик, публицист, литературовед, Чурапчы улууһун Бочуоттаах гражданина, 1992 сылтан ССРС Суруйааччыларын сойууһун чилиэнэ,  П.А.Ойуунускай аатынан Судаарыстыбаннай бириэмийэ лауреата, СӨ норуодунай суруйааччыта Семен Андреевич Попову-Сэмэн Туматы кытта көрсүһүү буолла. Көрсүһүүгэ кыттыыны ыллылар улуус депутаттарын мунньа5ын бэрэссэдээтэлэ А.А.Захаров, ытыктыыр суруйааччыбыт быраата А.А.Попов.
   Оскуолабыт иһинэн ыытыллыбыт Чурапчы суруйааччыларын туһунан  презентация күрэҕин кыайыылаахтара 5г кылаас үөрэнээччилэрэ оҕо суруйааччытыгар аналлаах презентацияларынан мустубут оҕолорго суруйааччы олоҕун, айар үлэтин билиһиннэрдилэр.  7г кылааска үөрэнэр Алина Захарова «Шаг в будущее» НПК кыттарыгар С.Тумат айымньыларынан 3 тылынан оҥорбут «Хоту дойду азбуката» кинигэтин кэпсээтэ уонна үбүлүөйүнэн эҕэрдэлээн Семен Адреевичка  дьоһун бэлэх оҥордо.  2в кылаас үөрэнээччилэрэ Тумат “Тойон Хаан” кэпсээнинэн инсценировка көрдөрөн долгуттулар, үөртүлэр. Кырачаан артыыстарбыт суруйааччыттан автограф ыллылар.Семен Андреевич оҕолорго истиҥ кэпсээнэ, ыйыытыыларга эппиэтэ барыбытын астыннарда.