Версия для
слабовидящих

Больше . Сброс . Меньше

«Чыпчаал» ЮНЕСКО кулуубун ситиhиилэрэ

Оскуолабыт «Чыпчаал» ЮНЕСКО кулуубун оҕолоро уонна салайааччылара, ахсынньы 18 күнүгэр, Таатта улууhугар «Алын Конституционнай ааҕыылар» региональнай  дебакка кыттан кэллилэр. Тэрээhин А.И Софронов-Алампа аатынан Ытык-Күөл 1№ орто оскуолата ЮНЕСКО Ассоциированнай оскуолата буолбут   түгэнигэр ананна. Дебат Чөркөөхтөөҕү Саха сирин государственноhын музейыгар ыытыллынна. «Чыпчаал» кулууп оҕолоро ситиhиилэнэн кэллилэр. Митина Алина III степеннээх дипломунан наҕараадаланна,  Боякинов Гоша «Бастыҥ доклад», Макаров Коля «Бастыҥ араатар» анал аат хаhаайыннара буоллулар. Диана Захарова, Алина Килибеева кулууптарын, оскуолаларын аатын чиэстээхтик көмүскээн туohу сурук туттулар. Ытык Күөлгэ,  дьыалабыай         кэпсэтиигэ кыттыhан, Саха сирин ЮНЕСКО кулууптарын ассоциациятыгар киирбиппитин бигэргэтэр докумуону туттубут, үлэбит былаанын торумнаатыбыт уонна сүрдээх тэрээhиннээх концерт көрдүбүт.

 

Биhиги «Чыпчаал» кулууппутун өссө тэтимнээхтик үлэлэтиэхпит, өссө үрдүк чыпчааллары дабайыахпыт. Оскуолабыт ЮНЕСКО ассоциированнай оскуолата буоларыгар кыhаллыахпыт. Бары баҕалаах оҕолору, учууталлары  биһигинниин бииргэ үлэлииргэ ыҥырабыт.

 

Макарова Любовь Константиновна,

история уонна общество предметтэрин учуутала