Версия для
слабовидящих

Больше . Сброс . Меньше

"Кэрэ Куо - 2019"

    Кулун тутар 16 күнүгэр  оскуолабытыгар үгэс буолбут “Кэрэ Куо” конкурс түөрт түһүмэҕинэн ыытылынна: бэйэни билиһиннэрии,  дьоҕуру көрүү, классическай вальс, өй оонньуута. Кэрэ-нарын кыргыттарбыт бэйэлэрин билиһиннэрдилэр, ол кэнниттэн арааһынай үҥкүү, ырыа-тойук. Оскуолабыт оҕолоро ытыстарын тыаһын харыстаабакка таһынныллар, ис сүрэхтэриттэн үөрэн-көтөн өйөөтүлэр! Күрэҕи ыытааччылар: Филиппов Витя, 9 мат; Дьячковский Володя, 9 гум.  көрөөччү кэрэхсиир гына ыыттылар!  Түмүккэ маннык буолан таҕыста: “Айыллаана Куо” - Оконешникова Октя (8 ест), “Нарыйаана Куо” - Оконешникова Кристина (9 ест),  “Сааскылаана Куо” - Сивцева Милена (9 гум), “Мичийээнэ Куо” - Артемьева Валерия (8 мат), “Уһуйаана Куо” анал аат – Сивцева Намыына (10 гум),  “Кэрэчээнэ Куо 2019” Монастырева Нарыйаана (10 мат). Күүтүүлээх, долгутуулаах күрэхпит кыайыылааҕынан  Оконешникова Октя  таҕыста. Киниэхэ “КЭРЭ КУО – 2019” үрдүк аата иҥэрилиннэ!!! Тэрээһин үрдүк таһымҥа ааста, өссө да маннык курдук күрэхтэр элбэхтэ буола турдуннар. Бу конкурс саха кыыһын уобараһа хайдах буолуохтааҕын, бэйэни сайыннарыы, бэйэ талаанын  көрдөрүү хайдах буолуохтааҕын көрдөрдө.