Версия для
слабовидящих

Больше . Сброс . Меньше

“Тэбэнэт саас ааҕыылара”

      Муус устар 4 күнүгэр оҕо библиотекатын көҕүлээһининэн “Тэбэнэт саас ааҕыылара” диэн 5-6 кылаас оҕолоругар уонна доруобуйаларынан хаарчахтаах оҕолорго аналлаах бастакы научнай-практическай конференция “Утум” норуот айымньытын дьиэтигэр ыытылынна. Конференция сыалынан оҕо чинчийэр үлэҕэ интэриэһин тардыы, кэпсиир дьоҕурун сайыннарыы, туһааннаах  информацияны булан туһана үөрэнии буолар. Конференция үс секцияга арахсан ыытылынна: 1-кы секция “Төрөөбүт дойду. Кыраайы үөрэтии”, 2-с секция “Мин сөбүлүүр дьарыгым. Юбилейдаах суруйааччылар, кинигэлэр”, 3 секция “Көҥүл тема” (доруобуйаларынан хаарчахтаах оҕолорго аналлаах). Конференцияга барыта 36 оҕо кытынна. Ааҕыы түмүгүнэн бастыҥнар грамотанан, мэтээлинэн, өйдөбүнньук бэлэхтэринэн бэлиэтэннилэр. Биһиги оскуолабыт 5б кылааһын үөрэнээччилэрэ Бехтюева Аля, Пинигина Амелия, Тургунбекова Алина (учуутал Платонова С.Д.)  үһүс миэстэҕэ, 5а кылаас үөрэнээччилэрэ Захаров Дьулустан, Захаров Костя (учуутал Еремеева С.И.) иккис миэстэҕэ, онтон Дьячковскай Леня (7 кылаас) , Павлова Алена (6 кылаас) (учуутал Тимофеева Н.М.) доруобуйаларын хаарчахтаах оҕолор секцияларыгар иккис миэстэҕэ тигистилэр. Оҕолорбутун уонна кинилэр салайааччыларын эҕэрэлиибит!