Версия для
слабовидящих

Больше . Сброс . Меньше

«Көлүөнэлэр көрсүһүүлэрэ - 2019»

    Муус устар 6 күнүгэр  оскуолабытыгар сыл ахсын ыытыллар көлүөнэлэр көрсүһүүлэрэ буолан ааста. Үбүлүөйдээх выпустар оскуолаҕа үөрэммит бэлиэ кэмнэрин санаан-ахтыһан, астына-дуоһуйа кэпсэтэн тарҕастылар. Ол курдук, быйыл 1954,1959,1969,1974,1979,1984,1989,1994,1999,2004,2009,2014 сылларга оскуоланы бүтэрбиттэр муһуннулар. “Дорообо, тапталлаах оскуолам!” диэн  үөрүүлээх линейка кэнниттэн выпускниктар оҕолору кытары көрсүһүүгэ кылаас чаастарыгар тарҕастылар. Тэрээһин чэрчитинэн ”Школьные годы чудесные “ урукку кэмнэри санатар быыстапка, ”Город мастеров” маастар-кылаастар, көрдөөх стартар, ”Т.О.К” оонньуу, дискотека тэрилиннилэр. Ону таһынан ”Оҕо сааһым биһигэ-оскуолам барахсан” көлүөнэлэр көрсүһүүлэрин долгутуулаах  түһүлгэтэ буолла. Ыалдьыттарбыт үөрэн-көтөн, астынан-дуоһуйан бардылар, коллективка, оҕолорго тэрээһин иһин махтал тылларын эттилэр, баҕа санааларын анаатылар.