Версия для
слабовидящих

Больше . Сброс . Меньше

«Бастыҥ экскурсовод» улуустааҕы конкурс

    Муус  устар 10 күнүгэр А.А.Саввин аатынан Чурапчытааҕы история, этнография музейын тэрийиитинэн, «Бастыҥ экскурсовод»  улуустааҕы конкурс 5-8 кылаас оҕолоругар ыытылынна.  Конкурс дьүүллүүр сүбэтигэр музей координационнай сэбиэтин чилиэннэрэ үлэлээтилэр: Валентина Дмитриевна Пинигина-музей ветеран үлэһитэ, председатель, Айылгы Муосчут кыыһа -А.П.Мунхалов аатынан хартыына галереятын сэбиэдиссэйэ, Кузьмина Мария Анатольевна – Хатылытааҕы Көһөрүү музейын үлэһитэ.

   Оҕолор музей экспонатын талан сэттэ мүнүүтэ иһигэр экспозицияны сырдатыыга күрэхтэстилэр. Экскурсовод матырыйаалын төһө дириҥник билэрэ, кэпсээнин кытта экспонатын сибээстээн сөптөөхтүк көрдөрүүтэ, саҥарар культурата, истээччитин тардара, кэрэхсэтэрдик туттара-хаптара, регламены тутуһуута, тас көрүҥ культурата барыта баалларынан сыаналанна.
    Конкурска улуус оскуолаларыттан алта оҕо “Көһөрүү”, “Ыаҕас”, “Былыргы саа”, “Дьабака бэргэһэ”, “Уу оҕуһун муоһа” экспонаттары талан кэрэхсэбиллээхтик кэпсээтилэр. Ону таһынан оҕолор квест-оонньууга кытыннылар. Түмүккэ биһиги оскуолабыт 7г кылааһын үөрэнээччитэ Поисеева Алексана бастакы миэстэни, иккиһи  Данилова Аня (Хатылы), үсүһү Николаев Кэнчээри  (Хатылы) ыллылар.
   Алексананы музей эйгэтигэр бастакы ситиһиитинэн эҕэрдэлиибит. Ити курдук  “Школа – история сама” проект үлэтин 7г кылаас оҕолоро салгыыллар.