Версия для
слабовидящих

Больше . Сброс . Меньше

Улуустаҕы БиблиоОлимпиада

   Бу дьыл муус устар 12 күнүгэр улуустааҕы оҕо библиотекатыгар  11- 14 саастаах о5олор икки ардыларыгар (5–8 кылаас үөрэнээччилэригэр) эдэр ааҕааччыларга анаммыт улуустааҕы БиблиоОлимпиада буолан ааста. Онно биһиги оскуолабытыттан Тургунбекова Алина – 5б кылаас, Степанова Анжела – 8в кылаас ситиһиилээхтик кытыннылар.
   “Мин сөбүлээн аахпыт кинигэм” эссе суруйан, көмүскээһиҥҥэ 5-6 кылаастар икки ардыларыгар  Тургунбекова Алина – 2 миэстэ,  7-8 кылаастарга Степанова Анжела - 3 миэстэни ыллылар.
   Иккис түһүмэҕинэн библиографияны билиигэ, үбүлүөйдээх суруйааччыларга, айымньыларга анаммыт сорудахтарынан библиоолимпиада ыытылынна. Бу түһүмэххэ ааҕыыга чиҥ  билиитин көрдөрөн 7-8 кылаастарга Степанова Анжела эрэллээхтик бастаата. БиблиоОлимпиадаҕа кыттыбыт үөрэнээччилэрбитин Алина Тургунбекованы, Анжела Степанованы эҕэрдэлиибит.  Инникитин кинигэ аргыстаах кыргыттарга үгүс ситиһиини, кыайыылары баҕарабыт!