Версия для
слабовидящих

Больше . Сброс . Меньше

“Hello, English!” фестиваль

    Чурапчы улууһун биир улаханнык убаастанар, киэн туттар омук тылын учуутала Апрелина Семеновна Абрамова 70 сааһыгар аналлаах “Hello, English!” омук тылыгар фестиваль муус устар 17 күнүгэр улуустааҕы гимназияҕа буолан ааста. 10 оскуола инсценировкаҕа, 7 оскуола интеллектуальнай оонньууга кытынна. Биһиги оскуолаттан 5-11 кылаастан 30-тан тахса үөрэнээччи кытынна. Сахалыы остуоруйалары омуктуу саҥардар инсценировка күрэҕэр “Үчүгэй Үөдүйээни” көрдөрөн, Акулина Семеновна үөрэнээччилэрин анал бириистэрин ыллыбыт. Немец тылынан Т.Сметанин “Күөрэгэй”  остуоруйатын көрдөрөн “Немец тылынан бастыҥ туруоруу” анал аат хаһаайына буоллубут. “Бастыҥ оруолу толорооччу” анал аатынан уолаттарга Саввинов Виталий, 6 в, кыргыттарга Попова Сахаайа, 8 гум. бэлиэтэннилэр. 8 гум. кылаас үөрэнээччитэ Карпов Петя “Омуктуу ыраастык саҥарааччы” анал ааты ылла. Өй оонньуутугар үһүс бириистээх миэстэҕэ таҕыстыбыт. Манна  9-11 кылаастан биэс оҕо кытынна. Милена Красильникова, Дьулус Чагылысов “Английскай тылга бастыҥ” анал ааты ыллылар. Уопсай түмүккэ хамаанданан иккис миэстэҕэ таҕыстыбыт.