Версия для
слабовидящих

Больше . Сброс . Меньше

«Манчаары оонньуулара»

21

«Манчаары оонньуулара» спорт национальнай көрүҥнэригэр республикатаа5ы маҥнайгы спартакиада  чемпиона, РСФСР уонна Саха АССР спордун маастара Василий Федорович Посельскай чиэhигэр С.А. Новгородов аатынан Чурапчы орто оскуолатын  атах оонньууларыгар аһа5ас күрэхтэһиитэ

Оҕону, эдэр ыччаты  чэбдик, чɵл олоххо угуйар, сахалыы атах оонньуутун киэҥ эйгэҕэ таhаарар, кɵҕүлүүр, сайыннарар  сыаллаах, улуус историятыгар аан  бастаан ыытыллар кэскиллээх түhүлгэ5э «Манчаары оонньуулара» спорт национальнай көрүҥнэригэр республикатаа5ы маҥнайгы спартакиада  чемпиона, РСФСР уонна Саха АССР спордун маастара Василий Федорович Посельскай чиэhигэр С.А. Новгородов аатынан Чурапчы орто оскуолатын  атах оонньууларыгар 2001-2005 сыллаах төрүөх оҕолорго аһа5ас күрэхтэһиитэ Чурапчыбыт биир ытык томторугар тохсунньу 30 күнүгэр ыытылынна.

Бу күрэхтэһиини Саха республикатын атах оонньуутугар спорт маастара, физкультура учуутала П.Д. Собакин көҕүлээьининэн, главнай судья РСФСР үөрэҕириитин туйгуна, Саха республикатын Үтүөлээх учуутала, Учууталлар учууталлара  Кривошапкин В.Н. салалтатынан тэрийэн ыыттылар С.А.Новгородов аатынан Чурапчы орто оскуолатын физкультура учууталлара.

 

Биирдиилээн бастыыр иһин аһаҕас күрэхтэһиигэ Мэҥэ-Хаҥаластан (тр.Илларионов П.А.), Тааттаттан (тр.Иванов Е.И.) эдэр спортсменнар кэлэн кыттыыны ылбыттара күрэхтэһии таһымын үрдэттэ. Чурапчы улууһуттан атах оонньууну сэҥээрэр, сэргиир, сүгүрүйэр Г.П. Башарин аатынан Сылан орто оскуолата, тренер Монастырев Д.И., П.М. Васильев аатынан Соловьев орто оскуолата, тренер Батарин Г.Д., Арыылаах орто оскуолата, тренер Манасытова Н.Д., Р.И.Константинов аатынан Амма орто оскуолата, тренер Исаков И.И., барыта 86 эдэр спортсмен кыттыыны ыллылар.

      Күрэхтэһиини үөрүүлээхтик аһыы чааһыгар эдэр спортсменнары, ыҥырыылаах ыалдьыппытын Василий Федорович Посельскайы эҕэрдэлээн оскуолабыт «Дарханнар» военнай-патриотическай кулуубун иитиллээччилэрэ Николай Саргыдаев «Чурапчы – спорт туоната» ырыатын хорунан толорбуттара кырдьык да мустубут дьону долгутта.

            РСФСР уонна Саха АССР спордун маастара,  Саха республикатын президенын «Гражданскай килбиэн», Госкомспорт «Саха республикатыгар физкультура уонна спорт сайдыытыгар үтүɵлэрин иhин» анал бэлиэлэр хаhаайыннара, Госкомспорт Вячеслав Степанов аатынан «Бастыҥ спортивнай журналист» премиятын 4 тɵгүллээх лауреата, Саха республикатын радиотын уонна телевидениетын туйгуна, Чурапчы орто оскуолатын биир бастыҥ выпускнига Василий Федорович  Посельскай харда тыл этэригэр долгуйан туран эдэр спортсменнарга ситиһиилэри, олоххо дьаныардаах, дьулуурдаах буоларга алгыс тыллары кытта Дархан кыһатыгар үйэ-саас тухары киэн туттар бэлэх – XXII Кыһыҥҥы Олимпийскай оонньуулар факелларын директор Надежда Васильевна Уароваҕа туттарда.

            Биһиги оскуолабытыттан Павел Дмитриевич дьарыктыыр 33 үөрэнээччитэ, үгүстэрэ бастакы улахан күрэхтэһиилэригэр  кыттан,  түмүктэрэ бу курдук:

Заболоцкай Айсен, 4в – 2м.,

Смирникова Аня, 6б – 1м.,

Местникова Ангелина, 5г – 2м,

Собакина Таня, 6в – 3м. (куобах 1м),

Красильникова Милена, 8а-  3м,

Сивцева Люба, 4а -  куобах 3м

Массаева Саина, 5б -ыстана 2м

Лукина Лилияна, 4б - ыстаҥа 3м

Игнатьев Афоня,6в - куобах 3м

Сивцева Кристина, 8а - куобах 1м

 

            Атах оонньуутугар бастыҥтан бастыҥнарынан буоллулар, Василий Федорович олохтообут анал «Бастыҥ спортсмен» ааттарын ыллылар: уолаттарга Дмитриев Дима, Мэҥэ-Хаҥалас, кыргыттарга Собакина Аня, 7г кылаас. Соловьев Миша,  Мырыла – «Кэскиллээх спортсмен»,  Собакин Кеша, Кытаанах -  «Саамай эдэр спортсмен» анал ааттары ылан үөрэн-көтөн тарҕастылар.