Версия для
слабовидящих

Больше . Сброс . Меньше

Праздник математики

   Алтынньы 17 күнүгэр С.К. Макаров аатынан Чурапчы гимназиятыгар төрдүс төгүлүн улуустааҕы “Праздник математики”  буолла. Бырааһынньыгы гимназия уопсай техническэй хаапыдыратын ахсаан уруогун учууталлара үрдүк таһаарыылаахтык, киһини кэрэхсэтэр гына тэрийэн ыыттылар. Манна ахсааны кэрэхсиир 5-6 кылаас оҕолоро кытыннылар. Чурапчы нэһилиэктэрин 13 оскуолатыттан барыта 108 оҕо кэллэ. Тэрээһин чэрчитинэн умсугутуулаах ахсаан оонньуулара, задачалары суоттуурга чөмпүйэнээт буолла. Бырааһынньык хас биирдии тэрээһинигэр кыайыылахтары быһаардылар. Уопсай түмүккэ кылаастарга 10 бастыҥ ахсаанньыты таллылар, олор истэригэр биһиги оскуолаттан  Александров Коля, Егоров Сеня, Луковцев Айсен, Норбо - Анжилов Арсалан, Пудов Петя киирдилэр. Учууталлара Д.В.Назарова, Л.И.Соловьева, Е.И.Малышева грамотанан наҕараадаланнылар.
   Ахсааҥҥа интэриэс үөскүүрүгэр маннык хабааннаах тэрээһиннэр ыытыллаллара улахан көдьүүстээх. Тэрээһин инникитин кыттааччыта элбээн, таһыма үрдээн иһиэҕэ диэн эрэнэбит.