Версия для
слабовидящих

Больше . Сброс . Меньше

«Креативные индустрии» I Международнай пленэр-мастер-класс

    Алтынньы 27 - сэтинньи 2 чыыһылаларыгар  Казахстан  Алматы куоракка «Креативные индустрии»  I Международнай пленэр-мастер-класс буолан ааста. Манна Чурапчытааҕы оҕо искусствотын оскуолатыттан уруһуй кылааһыгар үөрэнэр  Захарова Нарыйа (6 в ), Сотникова Настя (8 гум.) учууталларын Сокольникова Татьяна Викторовнаны кытта ситиһиилээхтик кыттан кэллилэр. 
    Алматы куоракка оҕолор “Ак Булак” диэн сынньанар комплекска олорон араас дойду маастардарыгар:  «Другая сторона Меня», Джезус Рамос Теджада, учуутал худуоһунньук, дизайнер Филиппин Бахрейн,  айылҕаны уруһуйдуурга «Горные мотивы», Савастин Сергей Дмитриевич, учуутал-худуоһунньук , Гагаузия, Молдова,«Основы этносимволизма», Владимир Гвоздев-Шеге, Казахстан уонна Россия худуоһунньугар үөрэннилэр.  
   Уопсайа 10 тахса араас хабааннаах маастар - кылааска сырыттылар, сүрүннээн маастардар  ураты, араас  уруһуйдуур ньыманы сөпкө туттарга, символизм, этносимволизм тематыгар уруһуйдаттылар.  Хас биирдии оҕо бэйэтин ис кыа5ын арыйарыгар, уруһуйдарын нөҥүө санааларын сайа этэрин ситиһэр сыаллаах үлэлээтилэр.  
   Маны тэҥэ оҕолор бэйэлэрин саастыы атын араас омук оҕолорун кытта билсэн, бэйэлэрин култуураларын билиһиннэрэн, сахалыы таҥастаах хомуска оонньоон иһитиннэрдилэр. Алматы куорат  устун экскурсияҕа, Медео хайаҕа тахсар комплекска сылдьан Көк-Төбе хайаны сөҕө махтайа көрдүлэр, Сункар диэн соколинай фермаҕа тиийэн хотой араас көрүҥүн уруһуйдаатылар. 
   Казахстан кэрэ сиригэр баран оҕолор элбэҕи билэн, бэйэлэригэр туһалааҕы  иҥэринэн, инники талар идэлэригэр сүнкэн өйөбүл ылан кэлбиттэрэ буолуо диэн эрэнэбит.