Версия для
слабовидящих

Больше . Сброс . Меньше

Оскуола лидерын сүрэхтээһин

  Биллэрин курдук, сэтинньи 1 күнүгэр оскуолабыт лидерын талыы быыбара ыытыллыбытын түмүгэр кыайыылааҕынан  10 мат/а кылаас үөрэнээччитэ Филиппов Витя буолбута. Онон сэтинньи 16 күнүгэр үөрүүлээх быһыыга-майгыга оскуолабыт лидерын сүрэхтээһинэ ыытылынна.
  Оскуолабытыгар хас да сыл лидерынан ситиһиилээхтик үлэлээн кэлбит 11 гуманитарнай кылаас үөрэнээччитэ Захаров Ваня дуоһунаһын туттараары туран Витяны быыбарга кыайбытынан эҕэрдэлээтэ уонна туруорбут сыалын ситиһиэ, ылыммыт программатын толоруо диэн эрэнэрин эттэ, актив чилиэннэригэр туһаайан саҥа лидер тылын истэн, этэрин толорон ситиһиилээхтик үлэлииллэригэр баҕарда.
  Оскуола лидерын дуоһунаһын сүгээри туран Витя лидер диэн оскуола сирэйэ, улахан эппиэтинэс буоларын өйдүүрүн биллэрдэ, ылыммыт программабын толорорго дьулуһуом диэн эрэннэрдэ. Маны таһынан үөрэнээччилэр, учууталлар иннилэригэр оскуолам аатын үрдүктүк тутуом, уопсай дьыала иһин туруулаһыам, кырдьыгы өрө тутуом, бигэ тирэхтээх, инникигэ эрэллээх, сиэрдээх быһыылаах-майгылаах, нэһилиэкпэр, улууспар туһалаах киһи буолуом диэн андаҕар тылларын эттэ.
  Оскуолабыт  директора Надежда Васильевна эҕэрдэлээн, баҕа санааларын, эрэнэрин этэн туран саҥа лидерга анал бэлиэни кэтэртэ уонна актив хас биирдии чилиэнигэр туоһу киниискэлэри туттарда.
  Витяҕа уонна кини хамаандатыгар ситиһиилээх үлэни баҕарабыт!