Версия для
слабовидящих

Больше . Сброс . Меньше

Оҕо спортивнай оскуолатын 20 сыла

  Ахсынньы 18 күнүгэр Чурапчы улууһугар Оҕо спортивнай оскуолатын 20 сыла үрдүк тэрээһиннээхтик бэлиэтэннэ. Сарсыардаттан тренердэр маастар-кылаастары ыыттылар, выставка тэрилиннэ. Эбиэт кэннэ “Тыа сиригэр оҕо спордун сайыннарыы” диэн темаҕа семинар ыытылынна. Семинар түмүгүнэн Оҕо спортивнай оскуолатын уонна Чурапчытааҕы спорт институтун икки ардыларыгар бииргэ үлэлээһин договорыгар илии баттанна.
  Түмүктүүр үөрүүлээх чааска бастыҥ үлэлээх тренердэргэ наҕараадалары туттардылар. Биир үөрүүлээх түгэнинэн биһиги оскуолабыт базатыгар Оҕо спортивнай оскуолатын иһинэн 5 “б” спортивнай кылаас (сал. Семенова Н.А.) аһыллыытын сүрэхтэниитэ буолла. Кылаас бары биир тэҥ ааттара суруллубут спортивнай форма кэтэн, харыс үрдээн сценаҕа таҕыстылар. Д.Д.Портнягина анаан суруйбут гимнин долгуйан туран өрө көтөҕүллэн толордулар.
  Көлүөнэ көлүөнэни утумнаан, спорт туоната - Чурапчы чулууларын ааттара спорт дуорааннаах түһүлгэлэригэр дорҕоонноохтук  иһиллэ туруохтун! Ол кыайыыларга эһиги иитиллээччилэргит, биһиги үөрэнээччилэрбит ааттара ааттаннын!