Версия для
слабовидящих

Больше . Сброс . Меньше

«Дарханнар» байыаннай-патриотическай сбор

Олунньу ый 17 күнүттэн үс күннээх сбор иккис төгүлүн ыытылынна.

17.02.2016 Сарсыарда 8 чаастан са5алаан уолаттар 3-с этээскэ үөрэннилэр. Бу күн үөрэнэн бүтээт, аһаан –сиэн баран байыаннай үөрэхтэрэ саҕаланна - ОФП, строевой хаамыы, сыал ытыыта. Хас биирдии уол күүһүнэн эрэ буолбакка кэрэҕэ – сырдыкка дьулуһуохтаах диэн хорунан Николай Саргыдаев “Чурапчы марша” ырыатын ыллаатылар уонна сахалыы үҥкүү үөрэттилэр. Киэһээ аһылык кэнниттэн отделениялар икки ардыларыгар спортивнай курэхтэһии буолан ааста. Баскетболга 1 миэстэ -  1 отделение, 2 миэстэ – 4 отделение, 3 миэстэ – 2 отделение, футболга 1 миэстэ – 4 отделение, 2 миэстэ – 3 отделение, 3 миэстэ – 2 отделение, канат тардыһыытыгар 1 миэстэ – 4 отделение, 2 миэстэ – 3 отделение, 3 миэстэ – 1 отделение буоллулар.

 

18.02.2016 Иккис күммүт уратыта диэн полиция улэһиттэрэ кэлэн маастар-кылаас, Макаров бэстилиэтин хомуйан, онтон дьиҥнээх Калашников автоматын оҕолорго хомуттаран көрдөрдүлэр. Полиция сотрудниктара үөрэнээччилэргэ уопсастыбаннай сиргэ хайдах сылдьыахтаахтарын, суол быраабылатын өссө биирдэ санатан кэпсээтилэр.

    Үгэс буолбут хапсаҕайга биирдиилээн бастыыр иһин күрэхтэһии буолла. 60-ҥа  ыйааһыҥҥа дылы Абсолютнай чемпион аатын сүктэ – Пермяков Виталий, 11 «б» кылаас, 60-тан үөһэ Абсолютнай чемпион – Сивцев Арыйаан, 11 «б» кылаас уорэнээччитэ. Уолаттар күрэхтэһии кэнниттэн тириппиччэ – хоруппучча чэбдигирдэр саунаҕа сырыттылар.

19.02.2016 Үһүс күннэригэр  бэйэни араас өттүттэн сайыннарыыга үлэлэстибит. Икки отделение МУПК-ҕа баран дьиэлэригэр – уоттарыгар наадалаах, истиэнэҕэ ыйанар полка оҥордулар. Онтон атыттарга психологтар бэйэ ис кыаҕын сайыннарыыга тренинг ыыттылар. Ген-син-кан диэн восточнай единоборствоҕа киирсэр бэйэни көмүскэнии приемнарын тренер Куприянов Е.Е.көрдөрдө.

20.02.2016 Төрдүс күммүт үүннэ. Түмүктүүр тэрээһиҥҥэ уолаттарбыт үс күн туохха үөрэммиттэрэ көһүннэ. Строевой хаамыга, хорга, ытыыга, ОФП-га зачет туттардылар. Сбор кыттыылаахтарыгар барыларыгар Мэҥэ сурук туттарылынна. Маны таһынан Махтал сурук туттарылынна – Захаров Айсеҥҥа, 11 «б», Хоютанов Васяҕа, 11 «б» , Павлов Коляҕа 10 «а», Флегонтов Алешаҕа, 11 «б», Пермяков Ньургустаҥҥа, 11 «б», Игнатьев Дьулуска, Кривошапкин Никитаҕа, 10 «а», Максимов Сергейгэ, 8 «б», Дьячковский Аскольдка, 9 «а», Кириллин Петяҕа, 10 «а». “Луший юнармеец” үрдук аатын – Лукин Евдоким, 11 «б», Кривошапкин Тамерлан, 9 «в», Лукин Эрхаан, 8 «б», Сивцев Арыйаан, 11 «б» сүктүлэр. “Бастыҥ командир” аатын Романов Альберт, 11 «а» кылаас ылла. “Бастыҥ отделение” 4-с отделение буолла, командир Алексеев Павел.

Уолаттартан сбор туһунан, сбор инники олохторугар наадалаах буолсу дуо диэн  ыйытыктарга эппиэт ылаттаатыбыт. Уолаттар армия олоҕун, бэйэни көмүскэнии приемнарын, бэйэлэрин бэрээдэктэнэргэ, строевай хаамыыны, автоматы ыһыыны-хомуйууну билэннэр олус диэн астынан тарҕастылар. Армияҕа барар баҕа санаа үгүс оҕолорго эбилиннэ.

Оскуола инники былааныгар “Дарханнар» байыаннай-патриотическай кулууп үлэтин сайыннарыы, ол эбэтэр саас куйуурдааһын,  Тэйэр хайаҕа сынньанан кэлии, марш-бросогунан С.А. Новгородов төрөөбүт алааһыгар тиийии, сайын Мырылаҕа Амма өрүскэ сбор ыытыыта киирэллэр.

 

                                                                     Т.О.Филиппова, социальнай педагог