Версия для
слабовидящих

Больше . Сброс . Меньше

Чемпионат по спидкубингу

  

  Тохсунньу 17 күнүгэр  С.К.Макаров аатынан Чурапчы улуустааҕы гимназиятын базатыгар спидкубиҥҥа иккис аһаҕас чемпионат ыытылынна. Бу Рубик кубиктарын араас көрүҥнэрин бириэмэҕэ хомуйуу күрэхтэһиитэ былырыыҥҥы үөрэх дьылыттан биһиги улууспутугар гимназия математикаҕа учуутала Екечьямова Кыыдаана Михайловна көҕүлээһининэн тэриллэн ыытыллар. Сүрүн спонсордарынан, тэрийээччилэринэн Дьокуускай куораттан «Джой»  интеллектуальнай оонньуурдар маҕаһыыннара буолар. Быйыл барыта 86 кыттааччы кубик 4 көрүҥэр биирдиилээн бастыыр иһин кииристилэр. Биһиги оскуолаттан 11 алын кылаас уонна 6 улахан кылаас оҕолорун Коркина Айталина Николаевна, Соловьев Дмитрий Петрович салайан илдьэ сырыттылар. Биирдиилээн күрэхтэһиигэ 2 «а» кылаас үөрэнээччилэрэ - Антипин Дамир, Дьяконов Алеша, Карпов Толя, Монастырев Айсен, Обоюкова Юля, Слепцова Лилиана, Сотников Андрей, 4 «б» үөрэнээччилэрэ – Сивцев Алеша, Сивцева Нарыйаана,  Казаков Тургун, Маркова Сайаана, 6 «а» кылаастан Варламова Виалета, Эверстов Эрэл, Листиков Степа, Луковцев Айсен, Лукин Арчын,  9 мат кылаастан Павлов Рома кытыннылар. Бу о5олортон Листиков Степа 2х2х2 – 2, 3х3х3 – 2, пирамида – 3, 4х4х4 – 3 миэстэлэри ылла, Лукин Арчын 2х2х2 кубигы хомуйууга 3 миэстэ буолла.


  Саамай улахан интириэһи команданан күрэхтэһии ылар. Манна команда  7 мүнүүтэ иһигэр 7 араас кубигы хомуйуохтаах. Быйыл барыта 10 команда кииристэ. Бастакы миэстэни 10-11 кылаас үөрэнээччилэриттэн турар Сылан орто оскуолата ылла. Иккис миэстэни биһиги оскуолабыт алын кылааһын үөрэнээччилэрэ Дьяконов Алеша, Слепцова Лилиана,  Сивцев Алеша, Сивцева Нарыйаана састааптаах команда (салайааччы Коркина А.Н.) ылан үөрүү өрөгөйүн биллилэр. Үһүс бириистээх миэстэни гимназия бастакы командата ылла. Кыайыылаахтар кубогынан, дипломнарынан, «Джой» маҕаһыын туруорбут сыаналаах бириистэринэн наҕараадаланнылар. Маны таһынан математическай головоломканы хомуйууга эмиэ күрэхтэстибит.  1 категорияҕа  Сивцев Алеша 1 миэстэни, Маркова Сайаана 2 миэстэни, Сивцева Нарыйаана 3 миэстэни ылан кинигэ бириистэри туттулар.
  Интеллектуальнай күрэх бу көрүҥэ сылтан сыл кыттааччыта элбээн, киэҥник тарҕанан иһэр. Биьиги оскуолабытыгар элбэх оҕо сөбүлээн дьарыктанар. Онон биһиэхэ бу көрүҥ сэҥээриллиэ, араас күрэхтэр тэриллиэхтэрэ диэн баҕа санаалаахпыт, эрэллээхпит.