Версия для
слабовидящих

Больше . Сброс . Меньше

Эрилик аа5ыылара

    Бу дьыл тохсунньу 28 күнүгэр саха талааннаах суруйааччыта С.С. Яковлев-Эрилик Эристиин төрөөбүтэ 128 сылын туолла.
    Бу күн суруйааччы төрөөбүт-үөскээбит сиригэр, Чакырга, киэҥ ис хоһоонноох тэрээһин буолла. Күн бастакы аҥаарыгар олохтоох оскуола саха тылын уонна литэрэтиирэтин учуутала А.Н. Софронова улуус учууталларыгар аналлаах сэминээрэ тэрилиннэ. Оҕолорго үс хайысханан НПК, уус-уран ааҕыы күрэҕэ тэрилиннэ. Бу кэмпириэнсийэҕэ биһиги оскуолабыт 10 гуманитарнай кылааһын үөрэнээччитэ Лилия Флегонтова, “Эрилик Эристиин “Кэриэс туолуута” сэһэнигэр тэҥнэбили туттуу уратыта” дакылаатынан(салаайааччылар: С.И. Еремеева, Л.Е. Попова) кыттан, “Кылаан аат” хаһаайына буолла.
   Күн иккис аҥаарыгар М.Е. Филиппова, Г.С. Попова-Санаайа таһаарбыт Эрилик Эристиин “Айыы Дьөһүөл” олоҥхотун сүрэхтэниитэ үрдүк таһымнаахтык буолан ааста.   Манна кыттыыны ыллылар: норуот суруйааччылара С.А. Попов-Сэмэн Тумат, В.Е. Васильев-Харысхал, суруйааччы сойууһун бэрэссэдээтэлин солбуйааччы Г.Г. Андросов, П.А. Ойуунускай аатынан литэрэтиирэ мусуойун үлэһиттэрэ, олоҥхо чинчиһиттэрэ,  улуус тэрилтэлэрэ, суруйааччы хаан-уруу аймахатара о.д.а.
Бу дьаһал түмүгэр суруйааччы Эрилик Эристиин аатын үйэтитиигэ үгүс кэскиллээх былаан ылылына.