Версия для
слабовидящих

Больше . Сброс . Меньше

“Сулустар бааллара – 2020”

   

“Айылгы” культура уонна духуобунас киинигэр сыллата ыытыллар “Сулустар бааллара” үрдүк тэрээһиннээхтик ыытылынна.  Оскуолабыт 5-11 кылаастарын туйгун, үчүгэй үөрэхтээх, бастыҥ общественник, спортсмен оҕолоро, араас ааҕыылар, конкурстар кыайыылаахтара чиэстэнэр биир бэлиэ умнуллубат күннэрэ сулус суһумун аннынан сырдыктык, чаҕылхайдык буолан ааста. Үөрэнээччилэри, учууталлары оскуола директора СР үөрэҕириитин туйгуна Н.В.Уарова эҕэрдэлээтэ. Араас таһымнаах  олимпиадалар, конференциялар, конкурстар кыайыылаахтарын, призердарын бэлэмнээбит  учууталларга, эбии үөрэхтээһин педагогтарыгар, ону тэҥэ профессиональнай конкурстарга ситиһиилээхтик кыттыбыт учууталларга грамота туттарда. Бастыҥтан бастыҥ кыргыттар, уолаттар кыһыл дорожканан хааман сценаҕа ыҥырыллан анал ааттарынан бэлиэтэннилэр, учууталлара кубоктары үөрэ-көтө туттардылар.
 

Ол курдук 2019-2020 үөрэх дьылыгар предметтэринэн “Бастыҥ билиилээхтэринэн” ааттаннылар саха литературатыгар Скрябин Ярослав, 11 гум, саха тылыгар Степанова Анжела, 9 гум, нуучча тылыгар Кривошапкина Алина, 10 мат, нуучча литературатыгар Флегонтова Лия, 10 гум, обществознаниеҕа Саввина Анжелика, 9 гум, историяҕа Игнатьева Юля, 11 гум, информатикаҕа Иванов Радомир, 8 мат, физикаҕа Сивцев Эрхан, 7 в, математикаҕа Филиппов Витя, 10 мат, астрономияҕа Петров Слава, 11 мат, английскайга Сухаринова Аня, 8 гум, биологияҕа Батарина Валя, 9 ест, химияҕа Михайлов Сандал, 9 ест, географияҕа Павлов Рома, 9 мат, черчениеҕэ Пудова Айыына, 10 мат, технологияҕа Саввин Ньургун, 7а, музыкаҕа Попова Анжелика, 8 мат., физическэй культураҕа Романов Андрей, 11 мат.
    Үөрэнээччилэри, учууталлары эҕэрдэлиибит! Үрдүк ситиһиилэр үксүү турдуннар!