Версия для
слабовидящих

Больше . Сброс . Меньше

Сэргэх тэрээһин – “МетоТур”

    С.А.Новгородов аатынан Чурапчы орто оскуолатыгар методическай холбоһуктар икки ардыларыгар бастакы “МетоТур” ыытылынна. Методическай турнир сыала-соруга  социокультурнай эйгэҕэ үөрэх-иитии практикатыгар бастыҥ инновационнай моделлары көрдөөһүн уонна бастыҥ опыты практикаҕа туһаныы холобурдарын тарҕатыы буолар. Турнирга тоҕус методическай холбоһуктан 54 кыттааччы үөрэх саҥа стандартыгар наука, технология, саҥаны көрдөөһүн ситиһиилэрин үөрэнээччи сатабылын сайыннарыыга туһаныы, тьюторствоны киллэрии холобурдарын, научно-методическай билиилэрин биир идэлээхтэригэр тарҕаттылар.

 

    Турнир түөрт түһүмэҕинэн ыытылынна. Бастакы “Хамаанданы билиһиннэрии”, иккис “ФГОС ирдэбиллэригэр сөп түбэһэр технологиянан үөрэх дьарыгын ыытыы” 20 мүнүүтэ, үһүс “Хамаанда атын хамаанда дьарыгын ырытыыта”, төрдүс “Педагогическай ноу-хау” маастар-кылааһы ыытыы.

    Турниры Таатта улууһун учууталлара сыаналаатылар. Бастакы этапка “Зимнее вдохновенье” номинацияны нуучча тылын учууталларын холбоһуга ылла. Иккискэ холбоһуктар уруоктарын Корякина И.В., Ким Н.Д., Саввина А.Н., Малышева Е.И.. Яковлева М.Н.. Терютина Е.Н.. Сидорова У.Н.. Седалищев Д.К.. Соловьев Д.П.. Филиппова С.П. көрдөрдүлэр. Түмүккэ “Урок – вершина Мастерства” номинацияны омук тылын учууталларын холбоһуга ылла. Үһүскэ хамаандалар уруогу саҥа стандарт ирдэбиллэринэн анализка кыратык ыарырҕаттылар. Түмүгэр “Знание - сила”   

Номинация естественнэй цикл холбоһугар туттарылынна. Төрдүс көрүҥҥэ физическэй культура учууталлара кыайыылаах тахсан “Идей и мыслей генератор” номинацияҕа тигистилэр. Кинилэр ГТО нормативтарын туттарыыга анньыныыга аналлаах инвентарь оҥорон көрдөрбүттэрэ улахан сэҥээриини ылла. Маастар-кылаастары Захарова Н.Г., Флегонтов П.П., Беляева Д.Д., Слепцова О.С., Александрова А.И., Протодьяконова М.П.. Захарова А.Д., Татаринов Г.А., Тимофеева Н.М., Макарова Л.С., Неустроева И.И., Макарова Л.К. ыыттылар.

     Уопсай түмүккэ бастакы миэстэҕэ начальнай кылаас, иккискэ нуучча тылын учууталларын, үһүскэ омук тылын учууталларын холбоһуктара таҕыстылар. Кыттааччыларга сертификат, кыайыылаахтарга мэтээл, бастаабыт хамаандаҕа көһө сылдьар кубок туттарылынна.

     Турнир хас биирдии педагокка саҥа идеялары, саҥа билиини, саҥа санаалары сахта.  

 

                                                                                                   Макарова М.А.