Версия для
слабовидящих

Больше . Сброс . Меньше

Билии күнэ

    2020-2021 үөрэх дьыла уратытык саҕаланна. Балаҕан ыйын 1 күнүгэр оскуолаҕа үөрүүлээх линейка оскуола боруогун атыллыыр бастакы кылаас үөрэнээччилэригэр, ирдэбилгэ сөп түбэһиннэрэн,  сарсыарда 9 чаастан саҕалаан ыытылыннылар. 2-11 кылаастарга darkhan_kyhata_ инстаграм нөҥүө онлайн-режим форматынан Улуу Кыайыы 75 сылыгар аналлаах кылаас чаастара ыытылыннылар.
  138 кырачааннар киэргэнэн-симэнэн, сибэкки дьөрбөтүн күөрэччи тутан долгуйа үөрэ үөрүүлээх чааска муһуннулар. Кинилэри бастакы учууталлара М.П.Протодьяконова,  М.Н.Попова, О.И.Тимофеева, М.Н.Яковлева, Л.П.Слепцова, П.Н.Старостина билии аартыгар сиэтэн киллэрдилэр.
  Үөрэнээччилэри, учууталлары, төрөппүттэри оскуола директора СР үөрэҕириитин туйгуна Н.В.Уарова, Чурапчы улууһа МТ баһылыга А.Т.Ноговицын, Чурапчы сэлиэнньэтин баһылыга В.Д.Сивцев эҕэрдэлээтилэр, алгыстарын тиэртилэр.
  Үөрүүлээх чаас оскуола активын оҕолорун сонун эҕэрдэлэринэн түмүктэннэ.
  Быйылгы үөрэх дьылыгар оскуолабытыгар 1080 оҕо 49 кылаас-комплегынан үөрэниэҕэ. Үөрэхпит дьыла ситиһиилээх, таһаарыылаах, алгыстаах буолуохтун!