Версия для
слабовидящих

Больше . Сброс . Меньше

«Кыыс оҕо сир симэҕэ» диэн ийэлэргэ аналлаах төгүрүк остуол

«Кыыс оҕо сир симэҕэ» диэн ийэлэргэ аналлаах төгүрүк остуол 

 Кулун тутар 3 күнүгэр “Төрөппүт месячнигын” чэрчитинэн  «Кыыс оҕо сир симэҕэ» диэн ийэлэргэ аналлаах төгүрүк остуол буолан ааста. Төгүрүк остуолга кыыс оҕолоох 57 ийэ кыттыыны ылла. Тэрээһиҥҥэ  кыттыыны ыллылар: Коркина Анна Михайловна, 7 кыыс иһирэх ийэтэ, ”Туллукчаан ” уьуйаан иитээччитэ, Кузьмина Александра Петровна,  Чурапчы нэһилиэгин дьахталларын сүбэтин председателин солбуйааччы, Филиппова Туяра Юрьевна, Чурапчы улууһун үөрэх управлениетын иһинэн үлэлиир социальнай-психологическай көменү оҥорор отдел психолога, Кожурова Галина Петровна Чурапчытааҕы социальнай реабилитационнай киин иһинэн дьиэ кэргэни кытары үлэлиир отделение начальнига, Слепцова Нюрбина Игоревна, Чурапчытааҕы социальнай реабилитационнай киин иһинэн үлэлиир “Эрэл” дьиэ кэргэн диспетчерскай сулууспа үлэһитэ.
   Кэлбит ийэлэри уонна ыалдьыттары кэлэн иһэр Аан дойду дьахталларын күнүнэн эҕэрдэлээн туран, оҕолорбут имигэсчэй  үҥкүүлэрин, иһирэх ырыаларын тиэртилэр. Күн күбэй ийэлэргэ анаан хоһоонун аахта 10 кылаас үөрэнээччитэ Попов Алик.
   Кэлбит ийэлэр аныгы олоххо киһи өйдөөбөтө элбэҕин, биир тэҥник сылдьыы, олоруу диэн суоҕун, маннык кэмҥэ оҕону таптал уонна эрэл эрэ абырыыр кыахтааҕын, ол эбэтэр кинини кытары аһаҕастык кэпсэтэн, сыыһатын-халтытын сымнаҕастык өйдөтөн, өрүү кинини таптыыргын уонна киниэхэ итэҕэйэргин куруук биллэрэ сылдьыахтааҕын туһунан кэпсэтэн, санаа атастаһан, өрө көтөҕүллэн тарҕастылар.