Версия для
слабовидящих

Больше . Сброс . Меньше

"Аҕа уолунаан" күрэх

"Аҕа уолунаан" күрэх

  Кулун тутар  13 күнүгэр төрөппүт ыйын чэрчитинэн “Аҕа уолунаан” диэн күрэх буолан ааста. Күрэҕи оскуолабыт физкультураҕа учууталлара иилэн- саҕалаан ыыттыллар . Күрэх 6 түһүмэхтээх ыытылынна: мас хайытыыта, тоһоҕо саайыыта, хаатыҥка быраҕыы, пневматическай саанан ытыы, керлинг, эстафета. Күрэх түмүгунэн: 9-10 кылаастар икки ардыларыгар 1 миэстэни – Вова, Владимир Егорович Дьячковскайдар, 2 миэстэни Дьулусхан Терентьев, Михаил Николаевич Можаров, 3 миэстэни Арсен, Юрий Александрович Никифоровтар ыллылар. 7 кылаастарга 1 миэстэни Ньургун, Василий Васильевич Степановтар, 2 миэстэни - Эрчим, Василий Васильевич Лукиннар ыллылар. 5,6 кылаастарга 1 миэстэ Артур, Андрей Андреевич Новгородовтар, 2 миэстэ - Сулустаан, Кэнчээри Слепцовтар, 3 миэстэ Саян, Николай Васильевич Игнатьевтар буоллулар. 
  Кыайыылаахтар мэтээллэринэн, дипломнарынан уонна кылаас төрөппүттэрэ туруорбут бириистэринэн наҕараадаланнылар. 1 миэстэ буолбуттарга “Аҕа уолунаан” күрэх анал статуетка туттарылынна.  Маны таһынан көрүҥнэр аайы  анал ааттар туттарылыннылар.
  Күрэхтэһии кыттыылаахтара, аҕалар уонна уолаттар биир хамаанда буолан бэйэ-бэйэлэрин өйөһөн, өрө көтөҕүллэн туран кытыннылар. Бары да, күрэх кыттааччылара, ыытааччылар,  көрөөччүлэр бу дьаһалтан астынан тарҕастылар.
  Курэххэ кэлэн кыттыбыт аҕаларбытыгар улахан махталбытын тиэрдэн туран, өссө да инники өттүгэр оскуола олоҕор активнайдык кыттыахтара диэн баҕа санаабытын тиэрдэбит.