Версия для
слабовидящих

Больше . Сброс . Меньше

"Мисс" и "Мистер" - 2021

"Мисс" уонна "Мистер" - 2021

  Кулун тутар 20 күнүгэр онлайн форматынан үгэс буолбут оскуолабыт "Мисс" и "Мистер" күрэҕэ 8-11 кылаас кыргыттарыгар уонна уолаттарыгар буолла. Балаһыанньаҕа олоҕуран күрэх биэс түһүмэҕинэн ыытылынна.
  Бастакы "Спортивнай" түһүмэх биир күн эрдэлээн ыытыллыбыта. Манна кыргыттар скакалканы ойууга, пресс хачайдааьыҥҥа, анньыныыга, имигэһи көрдөрүүгэ күрэхтэстилэр. Онтон уолаттар тутум эргииргэ, ырааҕы ыстаныыга, анньыныыга, тардыныыга күөн көрүстүлэр.
  Иккис түһүмэххэ үс мүнүүтэттэн ордуга суох бириэмэҕэ "Кимтэн кииннээх, хантан хааннаах" диэн бэйэни билиһиннэрии буолла.
  Үһүс "Тохтоо түгэн, көмүс түгэн" фотоконкурс түһүмэҕэр дьүүллүүр сүбэ эрдэ фотосессияҕа түһэн бэлэмнэниллибит хаартыскалары көрөн сыаналаата.
  Төрдүс "Талба талаан, ураты дьоҕур" түһүмэххэ кыттааччылар түөртүү мүнүүтэ устата талааннарын, дьоҕурдарын көрдөрдүлэр.
  Бэһис "Кэрэ көстүү, дьоһун көрүҥ" түһүмэххэ дефиле буолла.
   Күрэх түмүгүнэн "Мисс школы - 2021" ааты ылла Сергеева Вилана,10 гуманитарнай кылаас, "Мисс спорт" анал ааты Винокурова Сардаана,  8 гуманитарнай кылаас, "Мисс очарование" - Сергеева Вилана, 10 гуманитарнай кылаас, "Мисс талант" - Павлова Айыына, 10 математическай кылаас, "Мисс грация" - Лукина Арина, 11 гуманитарнай кылаас. 
  Уолаттарга  "Мистер школы - 2021" ааты уонна "Мистер талант" анал ааты Терентьев Дьулусхан, 10 математическай кылаас ылла,  Никифоров Айтал, 8 гуманитарнай кылаас "Мистер спорт" анал аакка тигистэ.  Кыттыбыт оҕолорбутугар куруутун маннык кэрэ, ситиһиилээх буола тураргытыгар баҕарабыт
   Онтон күрэхпит спонсордарыгар - модельер-дизайнер Ольга Дьячковскаяҕа, "Мичээр" маҕаһыын сэбиэдиссэйигэр Сивцева-Шепеткина Любовь Гаврильевнаҕа, "Ситим" маҕаһыын - Сивцева Зоя Николаевнаҕа, "Чэчир" маҕаһыын- Неустроева Анастасия Матвеевнаҕа, "Айыллаан" культурнай киин - Игнатьева Розалия Ивановнаҕа, "Сладкие торты" кондидерскай сыах - Заровняева Ульяна Николаевнаҕа, "Дракон" кафе - Попов Сидор Егоровичка туох баар үчүгэйи баҕаран туран улахан махталбытын тиэрдэбит