Версия для
слабовидящих

Больше . Сброс . Меньше

"Лидер" проект каникул кэмигэр үлэлээтэ

"Лидер" проект каникул кэмигэр үлэлээтэ

  Кулун тутар 22-23 күннэригэр “Лидер” проект каникулярнай оскуолата “Моя малая Родина” хайысханан 7-10 кл үөрэнээччилэригэр анаан ыытылынна. Уопсайа 22 үөрэнээччи кыттыыны ылла. Модератордарынан үлэлээтилэр А.Е.Саввина, английскай тыл учуутала, Л.К.Макарова, история уонна обществознание учуутала, И.Н.Данилов, оҕо хамсааһынын тэрийээччи педагог.
  Бастакы күҥҥэ оскуорлабыт психолога Седалищева А.А. араас трениннары ыытта, оҕолор хамаанданан арахсан бэйэ бэйэлэрин кытта билистилэр, интервьюлары ыллылар, Айылгы норуот айымньытын дьиэтин специалиһа Ольга Ноева "Ораторскре мастерство" диэн маастар-кылаас ыытта, оҕолор улуус салалтатыгар тиийэн улуус сэбиэтин депутаттарын кытта көрүстүлэр.
  Иккис күҥҥэ проегынан үлэлээһиҥҥэ семинар ыытылынна, 
 “Будущее моей школы” диэн темаҕа хамаандалар проектарын  көмүскээтилэр.  Ярослав Лебедев-вайнеры кытта көрсүһүү оҕолору сэргэхситтэ. Күн иккис аҥарыгар оҕолор А.А. Саввин аатынан история уонна этнография музейыгар экскурсия сырыттылар. Ол кэннэ “История моего улуса” диэн темаҕа викторина ыытылынна. 
   Оҕолорбут “Лидер” проект каникулярнай оскуолатыгар сылдьан үөрбүттэр, астыммыттар. Аныгыскы сырыыга эмиэ сылдьыахтарын баҕаралларын туһунан эттилэр.      Саҥаны билэллэригэр-көрөллөрүгэр, личность быһыытынан үүнэллэригэр-сайдалларыгар көмөлөөх, туһалаах проект үлэтин саҕалаабыта кэрэхсэбиллээх. 
  Проект хас биирдии оҕоҕо лидерскай качествоны бэлиэтээн, сайыннаран биэрэр сыаллаах үлэлээтэ. Оҕолор бэйэлэрин кыахтарынан көхтөөхтүк кытыннылар. Инникитин  бу проекпытын салгыы үлэлэтэн, өссө сайыннаран биэрэр былаан баар.