Версия для
слабовидящих

Больше . Сброс . Меньше

“Оскуола күнэ” уонна “Күһүн бэлэхтэрэ”

       Оскуолабыт 145 сыллаах үбүлүөйүгэр аналлаах  күһүҥҥү атыы-тутуу дьаарбаҥката оскуолабыт күнүн алтыһыннаран ыытылынна. Күн-дьыл туран биэрэн, кырдьык даҕаны күһүҥҥү киһи күлбүтүнэн диэбит тэҥэ, сүрдээх  үөрүүлээх тэрээһин ааста. Кэлии-барыы, сүүрүү-көтүү, сүпсүгүрүү, оҕо аймах күйгүөрэ сайыны быһа чуҥкуйбут оскуолабыт площадкатын сэргэхситтэ. Мустубут дьону оскуола директора Н.В.Уарова эҕэрдэлээтэ, сайыҥҥы сынньалаҥ кэнниттэн бары бииргэ түмсэр, сомоҕолоһор бастакы үөрүүлээх тэрээһиммитин аһыллыбытынан биллэрдэ. Оҕолор, төрөппүттэр, учууталлар - бука бары “Мин тапталлаах оскуолам” композиция, атыы-тутуу миэстэтин киэргэтии  көрүүлэргэ көхтөөхтүк кытыннылар. “Сонун оҕуруот аһа”, “Cаамай уһун моркуоп”, “Cаамай бөдөҥ кабачок”, “Дьикти оҕуруот аһа”, “Сэдэх үүнээйи”, “Улахан копилка” көрүү биирдиилээн кыттааччынан ыытылынна. Бэрэски сиэһинин күрэстэһиитэ бэрт сэргэхтик ааста, көрөөччү сэҥээриитин тарта. Тэрээһин кыттыылаахтара күһүҥҥү айылҕа көмүс утахтарын иҥэринэн, оҕуруот, сир аһын арааһын атыылаһан, араас көрүүлэргэ кыттан, оскуолабыт 145 сыллаах үбүлүөйүн дьоһуннук көрсөр санаалаах астынан-дуоһуйан, үөрэн - көтөн тарҕастылар.