Версия для
слабовидящих

Больше . Сброс . Меньше

Тустуу саҕаланна

    

     Балаҕан ыйын 24 күнүгэр А.И.Федотов аатынан физкультура-спорт комплексыгар,  кыра саастаах уолаттарга, тустуу сезонун арыллыытыгар аналлаах улуустааҕы күрэхтэһии ыытылынна.  Турнирга Дирин, Сылан, Чыаппара, Төлөй филиалларыттан 99 бөҕөс кытынна.

    Биһиги оскуолаттан бэйэлэрин ыйааһыннарыгар Элясов Герман, 5 “б” кыл., Егоров Сахамин, 3 “г” кыл,  Коркин Айал, 6 “г” кыл.,  Александров Дима, 4 “г” кыл. - I миэстэ, Степанов Ньургун, 3 “г” кыл., Старостин Юра, 4 “г” кыл,  Тихонов Эдгар, 3 “д” кыл.,  Ермолаев Дима, 6 “в” кыл., Неустроев Гоша, 1 “б” кыл. - II миэстэ, Попов Алик, 6 “б” кыл., Никифоров Айтал - III миэстэ буоллулар. Күрэхтэһиини оскуолабытыгар быйыл саҥа үлэтин саҕалаан эрэр тренер Петров Иннокентий Станиславович тэрийэн ыытта.

    Чемпионнары, призердары эҕэрдэлиибит! Эдэр бөҕөстөргө саҥа кыайыылары баҕарабыт!