Версия для
слабовидящих

Больше . Сброс . Меньше

“Дарханнар” сүрэхтэннилэр

Балаҕан ыйын 30 күнүгэр  С.А. Новгородов аатынан Чурапчы орто оскуолатыгар иккис сылын «Дарханнар» байыаннай - патриотическай кулуупка саҥа оҕолору ылыы үөрүүлээх түгэнэ ыытылынна. 7 – 8 кылаас уолаттара боччумуран, форма кэтэн улаатан көһүннүлэр. Аҕыс уон уол түөртүү отделениеҕа арахсан андаҕар эттилэр, отделениелар старшайдара  Адамов Петр Михайлович, Потапов Василий Петрович, Собакин Павел Дмитриевич, Степанов Василий Василевич  уолаттарга значок кэтэртилэр.

Иккис күн, алтынньы 1 күнүгэр,  Маҕаайы алааһыгар марш бросок оҥоһулунна. Манна уолаттар отделениеларынан араас күрэхтэһиилэргэ кытыннылар. Биирдиилэн көрүҥҥэ хапсаҕайга 60 кг дылы 7 «а» кылаас  үөрэнээччитэ  Елисеев Эрхаан муҥутуур кыайыылааҕынан буолла, 2 миэстэ 10 «б»  Егоров Саша, 3 миэстэ Лукин Эрхаан 9 «б»; 60 кг үөһээ бастакы 11 «б» кылаас үөрэнээччитэ Федоров Айсен, иккис 10 «б» Олесов Афоня, үһүс 8 «а» Парфенов Арсен таҕыстылар. Кыайыылаахтар кубогынан, миэстэлэспиттэр мэтээлинэн, наҕараадаланнылар.