Версия для
слабовидящих

Больше . Сброс . Меньше

Атах оонньуулара

    Кулун тутар 13 күнүгэр  П.Д.Собакин Кыайыы 75 сылын көрсө алын сүһүөх оҕолоругар атах оонньууларыгар күрэхтэһии тэрийэн ыытта. Улуус алта оскуолатыттан 50 эдэр спортсмен илин-кэлин түһүстүлэр.
    Уопсай түмүккэ 2011 сыллаах кыргыттарга Ким Дана, 2 кыл. 1 м., уолаттарга Артемьев Арылхан, 2 кыл. 3 м., 2010 сыллаах кыргыттарга Слепцова Люда, 3 м., уолаттарга Собакин Эрчим, 2 м., Егоров Тимур, 3 м., Захаров Ваня, ыстаҥаҕа 3 м., 2009 сыллаах кыргыттарга Кузьмина Күннэйчээнэ, 3 м., Попова Күннэй, 2 м., Кононова Сандаара, ыстаҥа 3 м., куобах 3 м., уолаттарга Ким Эрсан, 1 м., Красильников Дима, 3 м. буоллулар.
   Эдэр атах оонньооччулары эҕэрдэлиибит.

 

Соревнование по фитнес-аэробике

  15 февраля состоялись улусные соревнования по фитнес-аэробике. Команды нашей школы под руководством В.И.Аммосовой участвовали с хорошими результатами: команда мини-кадетов заняла 2 место, кадетов-1 место, юниоров - 2 место. Поздравляем, желаем дальнейших высот!

 

Дьокуускай көбүөрүгэр

    Өрөбүл күннэргэ Дьокуускайга В.Черкашин бирииһигэр республиканскай турнир буолан ааста. Манна Павлов Айхал (4 е), 28 кг. III м., Смирников Эрхан (5 б), 30 кг. III м., Егоров Арылхан (6 г), 50 кг. III м. буоллулар. Турнирга республика араас улуустарыттан 415 оҕо кытынна.

 

Мин идэм - IT

    С.К.Макаров аатынан гимназия базатыгар V республиканскай “Мин идэм IT - 2020” конкурс улуустааҕы этаба буолла. Оскуолабыт 8 мат. кылааһын үөрэнээччилэрэ Заболоцкай Айсен,  Иванов Радомир, Оконешников Женя (сал.Собакина А.Н.) улуустааҕы үөрэх салаатын анал бирииһинэн бэлиэтэннилэр. Эҕэрдэлиибит!

 

Улуустааҕы уоланнар ааҕыылара

    Сыллата ыытыллар “Көтүөххэ үрдүккэ хотойдуу” улуустааҕы уоланнар ааҕыылара Улуу Кыайыы 75 сылыгар ананан ыытылынна. Биһиги уолаттарбыт I степеннээх лауреат үрдүк ааты ыллылар. 11 гум. кылаас үөрэнээччитэ Скрябин Ярик “Чаҕылхай ааҕааччы” анал аатынан бэлиэтэннэ. Кыайыылаахтары уонна саха тылын, литературатын методическай холбоһугун учууталларын “Cонун дьүһүйүү” анал ааттарынан эҕэрдэлиибит!

 

Го оонньуу күрэхтэһиитэ

     Го хамаанданан оонньуута биир ый устата Дьокуускайга ыытыллан түмүктэннэ. Саха сирин сүүмэрдэммит хамаандата I миэстэҕэ таҕыста. Хамаанна уон оонньооччулаах, ол иһигэр биһиги оскуолаттан биэс оонньооччу баар. Ол курдук Дьяконов А, Сотников А., 2 а кыл., Ефремов А., 2 в, Уаров В., 8 гум., Новгородов Л., 9 мат., Саввин В., 9 мат. бааллар.
    Бу саҥа сайдан эрэр интеллектуальнай оонньууга үрдүк ситиһиилэммиттэринэн уолаттарбытын уонна тренердэрин Надежда Гаврильевнаны эҕэрдэлиибит! Ситиһиилэри!

Благовещенскай көбүөрүгэр

    Благовещенскай куоракка “Юность” спортивнай комплекска Кубок Содружества чемпионата ыытылынна. Бу турнирга биһиги эдэр бөҕөстөрбүт ситиһиилээхтик кыттан кэллилэр. Ол курдук кыраларга Неустроев Гоша, Копырин Саян II, Смирников Вася III, улахаттартан Элясов Никита, Старостин Юра I, Дьячковский Айал III миэстэ буоллулар.

“Мисс и мистер школы-2020 ”

     Кулун тутар 6 күнүгэр сыллата ыытыллар кэтэһиилээх конкурспут ыытылынна. Бу күн бука бары сарсыардаттан өрө көтөҕүллэн үөрэннибит, үлэлээтибит. Кэтэһиилээх чааспыт буолан конкурспут саҕаланна. Саала иһэ ыалдьааччыларынан толору, ким плакаттаах, ким дьүөгэтин, доҕорун өйөөн долгуйуу.
     Ыытааччылар Ярик Скрябин, Витя Филиппов бэрт сэргэхтик саҥаран-иҥэрэн, туттан-хаптан болҕомтону тартылар. Быйылгы конкурска 8-10 кылаастартан түөрт кыыс, түөрт уол кытыннылар. Дьүүллүүр сүбэҕэ улууспут араас кэмнэрдээҕи “Мисс и мистер Чурапча”  конкурстарын кыайыылаахтара, номинаннара бааллара күрэх үрдүк таһымнаах буолуоҕар интэриэһи үөскэттэ. Ону тэҥэ быйылгы конкурс биир уратытынан спонсордар элбэхтэрэ буолар, "Стайер", Скинтайм", "Чэчир", "Таптал",  "Сардаана", "Сайдам",  "Уйгу",  "Мичээр" маҕаһыыннар,  Цветочная лавка,  Нюргуяна Беляева фотостудията, КДН, Энергосбыт, ДЮСШ, Ис дьыала отдела, Чурапчы нэһилиэгин администрацията, Чурапчытааҕы киин балыыһа коллектива, оскуолабыт завучтара Баягантаев Г.Г., Захарова Е.А., Пермякова Л.Д., Дьячковская О.А. бириистэрин туруордулар.
   Конкурс түһүмэхтэрэ олус сэргэхтик, көрөөччүлэр дохсун ытыстарын тыаһынан доҕуһуолланан аастылар. Конкурсаннар бииртэн биир кэрэлэр, талааннаахтар, дьоҕурдаахтар...  
  Түмүккэ Кэрэ Куоларга  “Мисс школы “ үрдүк аатын Дайаана Христофорова, уоланнарга “Мистер школы” дьоһун ааты Владик Сорокоумов ыллылар. Номинаннарынан буоллулар: “Мистер Оригинальность” Никита Петров, “Мистер Фото” Айсен Заболоцкий, “Мистер Талант” Петя Карпов, “Мистер Интеллект” Владик Сорокоумов, “Мисс Интеллект” Таня Захарова, “Мисс Талант” Алика Михайлова, “Мисс Грация” Лия Дьячковская, “Мисс Фото” Дайаана Христофорова.
    Конкурсаннарбытын кыайыыларынан эҕэрдэлиибит! Куруутун бу курдук кэрэ, сырдык буолуҥ, дьоҥҥо үөрүүнү бэлэхтии сылдьыҥ!

Үөрэнээччилэрбит ситиһиилэрэ

 Олунньу 25 күнүгэр  улуустааҕы “Ол сыллар дуорааннара” интеллектуальнай конкурска оскуолабыт 10 гуманитарнай кылааһын үөрэнээччилэрин хамаандата бастакы миэстэҕэ таҕыста. Конкурс улуустааҕы үөрэх салаата уонна “Үөрүү” оҕо дьоҕурун сайыннарар Киин Кыайыы 75 уонна патриотизм сылларыгар анаан ыытар комплекснай күрэҕин чэрчитинэн ыытылынна.

***
Макаров Петя (7”б” кылаас)  “Марафон знаний” доруобуйаларынан хаарчахтаах оҕолорго республикатааҕы математика олимпиадатыгар III степеннээх дипломунан наҕараадаланна.

***
 Олунньу 28 күнүгэр Таатта улууһугар ыытыллыбыт РСФСР норуотун үөрэҕириитин туйгуна, Таатта улууһун Бочуоттаах киһитэ Васильева Анна Петровна үтүө аатыгар анаммыт республикатааҕы нуучча тылын олимпиадатын чэрчитинэн ыытыллыбыт өй оонньуутугар 6”в” кылаас үөрэнээччитэ Норбо-Анжилов Арсалан  үһүс миэстэни ылла.

 

   

***

   Олунньу 28 күнүгэр Аҕа дойду Улуу сэриитин ветерана И.М.Павлов аатын үйэтитэр аналлаах “Снежный барс” байыаннай-спортивнай оонньуу ыытылынна. Көрүүгэ 18 хамаанда кытынна. Биһиги оскуолабыт “Беркут” хамаандата сэттэ көрүҥтэн алтатыгар бастаан, бииргэ үһүс буолан эрэллээхтик бастаата. Саҥа орто сүһүөххэ тэриллибит “Дархан” хамаанда уон төрдүс буолла. Иккис миэстэҕэ Алаҕар “Мохсоҕол”, үһүскэ Хайахсыт “Үрүҥ Уолан” хамаандалара таҕыстылар.  

Подробнее...

Г.Д.Ефимов 100 сыла

   Олунньу 25-26 күннэригэр «Кыhыл сулус», «Норуоттар доҕордоhуулара», «Аҕа дойду Улуу сэриитин I степенэ» орденнар, «Германияны кыайыы иһин»,  «1941-1945 сс. Аҕа дойду сэриитигэр килбиэннээх үлэтин иһин» мэтээллэр кавалердара,  САССР  культуратын утүөлээх улэhитэ, РСФСР үөрэҕириитин туйгуна, Чурапчы улууhун Бочуоттаах  олохтооҕо, буойун-учуутал, оскуолабыт 1954-1957, 1961-1967 сс. директора Гаврил Дмитриевич Ефимов 100 сааһыгар уонна Аҕа дойду сэриитигэр Кыайыы 75 сылыгар  аналлаах республикатааҕы тэрээһиннэр ыытылыннылар.  Бастакы күн «Уол оҕо аҕыс кырыылааҕа» ини - бии уолаттар икки ардыларыгар күрэхтэһии быйыл 10-с төгүлүн ыытылынна. Быйыл Кэбээйиттэн, куораттан, Чурапчы нэһилиэктэриттэн 13 ини-бии хамаандалара илин-кэлин түһүстүлэр. Буоларын курдук күрэхтэһии 8 түһүмэҕинэн барда. Кыайыылаахтарынан - улахан уолаттарга Чурапчы гимназиятыттан Дьоллоохоптор, кыра уолаттарга биһиги оскуолабытыттан Элясовтар буоллулар. Иккис күҥҥэ Г.Д.Ефимов хоһооннорунан, ахтыыларынан "Дьүһүйүү" конкурса уонна  "Ефимовскай аа5ыылар" 4 секциянан арахсан ыытылыннылар. Тэрээһиҥҥэ Г.Д. Ефимов кыргыттара, сиэннэрэ, аймахтара,  оскуола 65 сыллаах выпускниктара уонна оччотооҕу кэм учууталлара ыалдьыттаатылар, тэрээһиҥҥэ көмөлөстүлэр.

 

 

,,Умсулҕан" түмсүү ситиһиитэ

   Ийэ тылбыт күнүгэр ,,Айылгы" Норуот айымньытын дьиэтигэр ,,Мин сахабын" диэн улуустааҕы бастакы фестиваль тэриллэн ыытылынна. Кыттааччылар сахалыы ырыаны, үҥкүүнү толоруу, уус-уран ааҕыы, авангардыы көстүүм, уруһуй күрэхтэригэр күөн көрсөн, илин-кэлин түһүстүлэр. Маны сэргэ улууспут нэһилиэктэриттэр дьахтар комитеттара ,,Саха баай сандалыта" диэн төрүт ас күрэҕэр кытыннылар. 
  Биһиги оскуолабытыттан ,,Умсулҕан" түмсүү 5-7 кылааһын үөрэнээччилэрэ уус-уран ааҕыы күөн күрэҕэр ситиһиилээхтик кытыннылар. Куонкуруспут 10 чаастан саҕаланан баран, киэһэ хойутуу түмүктэннэ. Уус-уран ааҕыыга жюри председателэ Заболоцкая Надежда Михайловна олус элбэх кыттааччы Ийэ тылынан хоһоон аахпытыттан наһаа астыммытын, үөрбүтүн түмүк тылыгар эттэ. ,,200-тэн тахса нүөмэри сыаналаатыбыт. Улуус оскуолаларыттан, ыраах нэһилиэктэртэн эмиэ бары кэлэн кыттыбыккыт олус үчүгэй -," диэтэ.
 Оскуола оҕолорун саастарынан да, биирдиилээн уонна бөлөҕүнэн ааҕааччы диэн араарбакка, уопсай түмүк таһаардылар. Кыайыылааҕынан гимназия улахан кылаас уолаттарын бөлөҕө буолла.
  Иккис миэстэни, бастыҥ аат 2-с үрдэлин, биһиги оскуолабыт ,,Умсулҕан" уус-уран ааҕыыга түмсүүтэ ылан, үөрүү өрөгөйүн биллибит. Юля Винокуроваҕа 5 г, Коля Александровка 5 г, Алик Поповка 6 а, Айтал Захаровка 6 в, Толя Никитиҥҥэ 6 в, Саша Пермяковаҕа 7 б, Яна Хомподоеваҕа 7 б- оскуолаларын аатын доргуччу ааттаппыт оҕолорбутугар махтанабыт. Улууспутугар талааннаах оҕо элбэҕиттэн сөхтүбүт, үөрдүбүт.
  Түмүкпүтүгэр, Ийэбит үүтүн кытта тэҥинэн иҥэриммит, өбүгэ дьоммут үйэлээх үгэстэрин үтүмэн үйэлэргэ илдьэ кэлбит Төрүт тылбытын харыстыаҕыҥ, сайыннарыаҕыҥ диибит. Төлкөтө-түөрэҕэ – үтүө, кэскилэ-анала – киэҥ буоллун!

Ийэ тыл күнэ

      Олунньу ый 10 күнүттэн  15 күнүгэр диэри cахалартан бастакы лингвист ученайа С.А.Новгородов төрөөбүт күнүгэр аналлаах төрөөбүт тыл, сурук-бичик нэдиэлэтэ ыытылынна. Нэдиэлэ устата үөрэнээччилэр, учууталлар сахалыы таҥнан-симэнэн киэргэннилэр.  С.А.Новгородов туһунан кылаас чаастара буоллулар. Переменаларга  сахалыы остуол оонньуулара, таайбараҥнар ыытылыннылар.
     Оһуохайы оройуттан тутан кылаастар икки ардыларыгар күрэх олус тэрээһиннээхтик ыытылынна. Кыайыылаахтар мэҥэ суруктарынан наҕараадаланнылар.
  Олунньу уон үс күнүгэр, С.А.Новгородов төрөөбүт күнүгэр,  улахан үөрүүлээх линейкаҕа төрөөбүт тыл туһунан хоһоону күргүөмүнэн ааҕан сүрэхпит долгуйда. Оһуохайбытыгар нэһилиэктэр оскуола дириэктэрдэрэ кыттыһан биир тэтиминэн хаамтылар. Сүдү киһибитигэр сүгүрүйүү бэлиэтин – пааматынньыгар  "Беркут" кулууп чилиэннэрэ венок уурдулар
    Быйыл Аҕа дойду Улуу сэриитин үбүлүөйдээх сылыгар анаан буойун суруйааччылар олохторун, айар үлэлэрин билсэн, кылаастар олус интириэһинэй матырыйаал хомуйан презентация күрэҕэр көхтөөхтүк кытыннылар. Кыайыылаахтар мэҥэ суруктарынан наҕараадаланнылар.
   Нэдиэлэбитин  "Сурук-бичик" аартыгынан айан диэн кылаастар станциянан оонньууга сүүрэн-көтөн, толкуйдаан, билбэттэрин билэн, таайбараннары таайан, хомулуктары холбоон туһалаахтык, интириэһинэйдик атаардылар. 
   Алын сүһүөх кылаас оҕолоругар "Сээркээн сэһэн ойуулара" диэн саха омук остуоруйаларынан уруһуй күрэҕэ ыытылынна.

 

 

“Дарханнар” кыһыҥҥы хомуурдара

   Үөрэнээччилэрбит  Ийэ дойдуларыгар бэриниилээх, төрөөбүт дойдуларын туһугар ис сүрэхтэриттэн кыһаллар,   бэйэлэрин кэнэҕэски олохторун  дойдуларын кытта ыкса сибээстиир патриот дьон буолан  тахсыахтаахтар диэн өйдөбүл иитэр үлэбит биир сүрүн хайысхатынан буолар. 
  «Дарханнар» кулуупка 7-11 кылаас уолаттара киирэллэр. Олунньу 5-7 күннэригэр бэһис төгүлүн «Дархан» байыаннай-патриотическай кулууп кыһыҥҥы хомуура буолан ааста. Уопсайа 104 уол кыттыыны ылла.
   Бу үс күн устата уолаттар тугу гыныахтаахтара мүнүүтэтигэр тиийэ былааннанан, анал программа оҥоһуллубута. Ол курдук, историяҕа предметнэй олимпиада, байыаннай комиссары кытары  бэсиэдэ, Чечня сэриитин кыттыылааҕын кытары көрсүһүү, араатардар күрэхтэрэ, «Добун» кросс-фит биирдиилээн күрэстэһии, баскетболга, канат тардыһыыга, эстафетаҕа этэрээттэринэн күрэхтэһии,  «Память сквозь время» интеллектуальнай конкурс буоллулар. Ону таһынан,  уолаттар «Хайыһар» ырыаны үөрэттилэр, ыам ыйын 9 күнүгэр буолар параадка бэлэмнэннилэр.
  Түмүккэ  уолаттарга хомуурга кыттыбыттарын туоһулуур сурук, биирдиилээн бастыҥ байыастарга күрэхтэр түмүктэринэн грамоталар туттарылыннылар, бастыҥтан бастыҥнарга анал ааттар иҥэрилиннилэр, ол курдук “Бастыҥ командир” Скрябин Ярослав, 11 гум.,  “Бастыҥ дневальнай” Тимофеев Егор, 9 гум., “Бастыҥ юнармеец” Петров Дьулуур, 8 мат., Егоров Максим, 8 ест., Баишев Айтал, 7 а., Лукин Бэргэн, 7 а, “Бастыҥ отделение” 3-с отделение (командир Захаров Ваня, 11 гум.)
  Үс күн “Дарханнарбыт” өй-санаа иитинэн, эти-хааны сайыннаран, сатабылы иҥэринэн, сомоҕолоһон астынан тарҕастылар.

 

Правительство председателэ оскуолабытыгар сырытта

     Тохсунньу 9 күнүгэр правительство председателэ В.В.Солодов салайар группата, сыллааҕы отчуоттуур мунньах иннинээҕи рабочай сырыынан, оскуолабытыгар сырытта. Владимир Викторович оскуола үлэтин-хамнаһын, “Точка Роста” олоххо киириитин, стендэлэртэн оскуолабыт историятын, ону тэҥэ материальнай базаны билистэ. “Дарханнар” байыаннай-патриотическай кулууп байыастара строевой бэлэмнэнии хамсаныыларын көрдөрдүлэр. Директор Н.В.Уарова 315 миэстэлээх оскуола салҕааһынын тутуу бырайыагын билиһиннэрдэ.
   Владимир Викторович бэйэтин этиитигэр оскуола үлэтэ сөптөөҕүн, ыччаты гражданскай-патриотическай иитиигэ, Улуу Кыайыы 75 сылын көрсө былааннаах үлэ тэриллэн ыытылларын, иккис сменаны аччатыыга сөптөөх  быһаарыы ылыллан рекреациялары эбии кабинет оҥоруу үлэтэ барбытын, бу үлэ опыта республикаҕа тарҕаныан сөбүн бэлиэтээтэ. 
   Көрсүһүү тэрээһиннээхтик, өрө көтөҕүллэн истиҥ быһыыга барда.

Черчение олимпиадата

    Олунньу 7 күнүгэр улуустааҕы черчение олимпиадата ыытылынна. 10 кылаас үөрэнээччитэ Айыына Пудова (учуутал Соловьев Д.П.) сылын аайы ситиһиилээхтик кыттар. Айыына быйыл эмиэ I миэстэ буолла. Үөрэнээччибитигэр инникитин өссө үрдүк ситиһиилэр кэлэ турдуннар.

 

 

 

 

Нижнекамскай көбүөрүгэр

    Татарстан Нижнекамскай куоратыгар ООО “М-7” бирииһигэр Бүтүн Россиятааҕы юниордарга тустуу буолан ааста. Биһиги эдэр бөҕөстөрбүтүн тренер И.С.Петров салайан илдьэ сырытта. Уолаттарбыт куһаҕана суох туһуннулар. 6 “г” кылаас үөрэнээччитэ Айаал Дьячковский 52 кг. II м. буолла. Кыайыынан эҕэрдэлиибит!

 

 

 

 

 

 

 

Физическэй культура олимпиадата

  Олунньу 7-8 күннэригэр Дьокуускайга Бүтүн Россиятааҕы үөрэнээччилэр олимпиадаларын физическэй культураҕа регионнааҕы түһүмэҕэ ыытылынна. Биһиги оскуолаттан үс оҕо Чепалова Ксюша, Собакина Таня, Романов Андрей кытыннылар. Түмүккэ Андрей теорияҕа I м., уопсай түмүккэ призер, Таня призер буоллулар. Оҕолору ситиһиинэн, учууталларбытын иитиллээччилэрин кыайыытынан эҕэрдэлиибит. 

“Сүрэхпин оҕолорго аныыбын” конкурс

    Тохсунньу 31 күнүгэр Одьулуун орто оскуолатыгар улуустааҕы “Сүрэхпин оҕолорго аныыбын”  кылаас салайааччыларын профессиональнай конкурстара буолан ааста. Манна уон биир педагог кыттынна. Конкурсаннар түһүмэхтэринэн кылаас чааһа, төрөппүттэри кытары үлэҕэ бырайыак көмүскээһинэ, дьыалабыай оонньуу ыыттылар. Конкурсаннар бары да айымньылаах үлэлэрин, педагог быһыытынан үрдүк таһымнарын, саҥа технологиялары баһылаабыт сатабылларын көрдөрдүлэр.
   Түмүккэ Хатылы орто оскуолатыттан Павлова Степанида Афанасьевна кыайыылааҕынан ааттанна. Ноева С.И.(Хадаар) “Үөрэнээччилэр биһирэбиллэрэ”, Монастырева П.В.(Кытаанах) “Инновационнай сыһыан”, Протодьяконова П.Р.(Амма) “Айымньылаах үлэ”, Карпова Л.С.(Одьулуун) “Инникилээх учуутал”, Оконешникова М.В.(Алаҕар)  “Опыт уонна маастар”, Саввина А.Е.(Чурапчы) “Иитэр үлэҕэ саҥаны киллэрии”, Барашкова М.Р.(Бахсы) “Айымньылаах бииргэ үлэлээһин” анал ааттарынан бэлиэтэннилэр. III ст. дипломунан Алексеева М.В.(Чакыр),  II ст. Оконешникова Нь.А.(школа-интернат),  I ст. Макарцова И.В.(Дирин) наҕараадаланнылар.
   Биһиги Анна Егоровнабыт оскуолабыт чиэһин ситиһиилээхтик көмүскээбитигэр махтанабыт, “Иитэр үлэҕэ саҥаны киллэрии” анал ааты ылбытынан эҕэрдэлиибит! Айымньылаах үлэни, махталлаах үөрэнээччилэри! Төрөппүттэрин, биир идэлээхтэрин билиниилэрин!

“Сүгүрүйэбит Улуу Кыайыыга” фестиваль-конкурс саҕаланна

   Чурапчы улууһун үөрэҕин салаатын уонна “Үөрүү” оҕо сайдар киинин көҕүлээһиннэринэн Улуу Кыайыы 75 уонна Саха республикатыгар биллэриллибит Патриотизм сылларыгар аналлаах улуустааҕы идэтийбит маастарыстыба фестиваль-конкурс көрүүтэ саҕаланна.
    Бастакынан тохсунньу 31 күнүгэр “Бастыҥ иис-2020” конкурс ыытылынна. 22 кыттааччылаах күрэҕи үс  группанан тэрийэн  ыыттылар . Икки тоҕустуу киһилээх орто оскуола учууталлара уонна 4 оскуола сад үлэһиттэрэ эмиэ туспа бөлөх буолан күрэхтэстилэр. Бу  тэрээһин сүрүн ирдэбилинэн үөрэнээччилэр салайааччыларыгар сыстан күүс-көмө буолан бииргэ үлэлээһиннэрэ буолар. Кыттааччылар бэлэм быһыллыбыт байыаннай форманы бэриллибит бириэмэ иһигэр тиктилэр. Дьүүллүүр сүбэ тигии хаачыстыбатын уонна технологиятын тутуһуутун сыаналаан түмүк таһаарда. 
  Биһиги оскуолабытыттан технология учуутала В.В.Оконешникова үөрэнээччитэ Попова Анжелалыын (8 мат. кылаас) ситиһиилээхтик кыттан I степеннээх дипломунан наҕараадаланнылар. Оҕолор элбэххэ үөрэнэн, билиилэрин байытан, тэҥҥэ миэстэҕэ тиксэн үөрэн-көтөн тарҕастылар.

“Сулустар бааллара – 2020”

   

“Айылгы” культура уонна духуобунас киинигэр сыллата ыытыллар “Сулустар бааллара” үрдүк тэрээһиннээхтик ыытылынна.  Оскуолабыт 5-11 кылаастарын туйгун, үчүгэй үөрэхтээх, бастыҥ общественник, спортсмен оҕолоро, араас ааҕыылар, конкурстар кыайыылаахтара чиэстэнэр биир бэлиэ умнуллубат күннэрэ сулус суһумун аннынан сырдыктык, чаҕылхайдык буолан ааста. Үөрэнээччилэри, учууталлары оскуола директора СР үөрэҕириитин туйгуна Н.В.Уарова эҕэрдэлээтэ. Араас таһымнаах  олимпиадалар, конференциялар, конкурстар кыайыылаахтарын, призердарын бэлэмнээбит  учууталларга, эбии үөрэхтээһин педагогтарыгар, ону тэҥэ профессиональнай конкурстарга ситиһиилээхтик кыттыбыт учууталларга грамота туттарда. Бастыҥтан бастыҥ кыргыттар, уолаттар кыһыл дорожканан хааман сценаҕа ыҥырыллан анал ааттарынан бэлиэтэннилэр, учууталлара кубоктары үөрэ-көтө туттардылар.
 

Подробнее...