Версия для
слабовидящих

Больше . Сброс . Меньше

Недельный план 7.12-12.12.2020

Приказ  №01-03/338 от 30 ноября 2020 г. "Об установлении актированных дней"

Недельный план 07.12 - 12.12.2020

___________________________________________________________________________________________________________

Күн сылааһыныы угуттаныах...

  Аан дойду үрдүнэн доруобуйаларыгар хаарчахтаах дьоҥҥо ыытыллар декада чэрчитинэн, биһиги оскуолабытыгар “Подарим лучики тепла,”- диэн ааттаах декада ыытылынна. Бу дьаһал сүнньүнэн  “Поделись теплом твоей души,”- диэн кылаас чаастара, аһымал санаа уруоктара тирээн турар балаһыанньаны учуоттаан, дистанционно «Zoom»-н ыытылыннылар.  Дьиэҕэ олорон үөрэнэр уустук доруобуйалаах оҕолор сыһыарыллыбыт кылаастарыгар видео-презентациянан бэйэлэрин сырдаттылар, кылаас коллективтара кылаас олоҕун көрдөрөр харда видеоны ыытан бэйэлэрин билиһиннэрдилэр.Уустук доруобуйалаах доҕотторугар истиҥ сыһыаннарын, өйөбүллэрин көрдөрдүлэр. Доруобуйаларыгар хаарчахтаах оҕолорго декада устата хатыламмат сэргэх араас тэрээһиннэр ыытылыннылар. Харысхал БФ быйыл республикаҕа тэриллибитэ 10 сылын бэлиэтээтэ. “Спорт без границ”- социальнай бырайыак чэрчитинэн республика үрдүнэн парафестиваллар, семинардар, маастар кылаастар, адаптивнай физкультура көрүҥнэригэр араас күрэхтэһиилэр тэрилиннилэр. Оскуолабытыгар иккис сылын настольнай оонньууларга очно күрэхтэһии ыытылынна. Былырыын доруобуйаларыгар хаарчахтаах оҕолорго улуустааҕы дьаһал ыытыллыбыт эбит буоллаҕына, быйыл хамсык ыарыы өрө туран,  парафестивальга дьиэҕэ олорон үөрэнэр оҕолортон 5 кылаас үөрэнээччитэ Павлов Женя кытынна. Женя 5 -7 кылаастарга настольнай оонньуу бары көрүҥэр бастаан, төрөппүттэрин, учууталларын үөртэ. Парафестивалы оскуола социальнай педагога Хоютанова Е.Р. уонна адаптивнай физкультура учуутала Куприянов Е.Е иилээн-саҕалаан ыыттылар Оскуолаттан барыта 16 үөрэнээччи кыттан, оонньоон, күрэхтэһэн олус сэргээн, астынан тарҕастылар. Маны таһынан дьиэҕэ олорон үөрэнэр инбэлиитинэстээх оҕолорго «Паралимпийские игры”- диэн викторина ыытылынна.  “Движение – жизнь!”- диэн физкультурно-оздоровительнай уруогу учуутал Куприянов Е.Е. ыытта.Оҕолор, төрөппүттэр, учууталлар бары Харысхал БФ ыыппыт “Спорт без границ”- республикатааҕы парафестиваль аһыллыытыгар кыттыыны ыллыбыт, ол дьаһалларга кыттыбыт оскуола бары үөрэнээччилэригэр республикатааҕы БФ грамоталарын, мэтээллэрин, бириистэрин үөрүүлээх быһыыга туттартааһын буолла, оҕолор үөрдүлэр-көттүлэр.  

                 

  Декадаҕа сүрүн ыалдьытынан А.И.Гоголев аатынан улуустааҕы музыкальнай оскуола вокал кылааһын учуутала Петрова Т.А. буолла. Татьяна Афанасьевна  “Музыкальная разминка» - диэн музыкальнай оонньуу ыытан, оҕолору олус сэргэхситтэ.
  Маны таһынан, биир сэргэх тэрээһининэн дьиэҕэ үөрэтии-иитии учуутала Алексеева А.А. “Бычок из ниток – символ 21 года» маастар кылааһа сэҥээриини таһаарда. Оҕолор төрөппүттэрин кытары икки араас дьүһүннээх сабынан тута оҥоһук оҥорон, олус астыннылар. О.Стасик “Самый весёлый бычок”, К.Юля “Самый смешной бычок”, А.Карина “Самый красивый бычок”, К.Күннэй “Самый решительный бычок», Н.Нарыйаана “Самый милый бычок” - диэн анал ааттарга тигистилэр, сыаналаах бирииһинэн наҕараадаланнылар.

               
  Сонун дьаһалынан, дьиэ кэргэн төһө түмсүүлээҕин, сатабыллааҕын, дьоҕурдааҕын көрдөрөр “Умелые руки не знают скуки»- диэн куонкурус ыытылынна.Хас биирдии төрөппүт оҕотунаан араас оҥоһугу хайдах оҥороллорун видео-презентациянан хаамыытынан көрдөрөн, атын дьиэ кэргэттэрин үөрэттилэр. Дьиэҕэ олорон үөрэнэр 14 оҕо төрөппүттэринээн көхтөөхтүк кытыннылар, бары грамоталарынан, анал бириистэринэн наҕараадаланан олус үөрдүлэр, дуоһуйдулар, бэйэ бэйэлэриттэн элбэххэ, саҥа сатабылга үөрэннилэр. Презентацияны хайдах оҥорорго төрөппүт Никитина Е.Е. бэйэтин опытын үллэһиннэ, сатаабаттарга үөрэттэ. Онлайн ыытыллыбыт түмүктүүр үөрүүлээх киэһэҕэ декадаҕа саамай көхтөөхтүк кыттыбыт төрөппүттэргэ: Афанасьева А.П, Никитина Е.Е, Кычкина В.В, Токлокова Р.М, Санникова Л.А. грамоталары, анал бириистэри туттартаатыбыт.

                                       
  Декада түмүгэр оскуолабыт салалтата директор Н.В.Уарова, завхоз Дьячковский П.Н массыына биэрэн, наҕараадаларбытын, бириистэрбитин оҕолорго дьиэлэринэн тарҕаттыбыт.Иитэр үлэ отдела, салайааччы Дьячковская О.А, кылаас салайааччылара  көмө-акция ыытан, дьаарбаҥка тэрийэн, оскуола инбэлиитинэстээх уонна доруобуйаларыгар хаарчахтаах оҕолорго көмө оҥордулар, истиҥ-иһирэх сыһыаннарын көрдөрдүлэр.  
  Ити курдук, инбэлиитинэстээх уонна доруобуйатынан хаарчахтаах оҕоҕо анаммыт декада   тэрээһиннээхтик истиҥник ааспытыттан, күүс-көмө буолбут төрөппүттэрбитигэр, оскуола бары үөрэнээччилэригэр,  учууталларыгар, оскуолабыт администрациятыгар барҕа махтал буолуохтун!
  Доруобуйата олус мөлтөх, сылдьар ыырдара кыараҕас оҕолор сайдар эйгэлэрэ кэҥээн истин, инникигэ сырдык эрэл санаалара күүһүрдүн! Өйөбүллээх киһи өлөн-охтон биэрбэт, үтүө санаа, үтүө быһыы, истиҥ доҕордуу сыһыан өрүү кыайа туруохтун!

 Дьиэҕэ иитии-үөрэтии салайааччыта Феоктистова Е.Ф.