Версия для
слабовидящих

Больше . Сброс . Меньше

Номинанты главы улуса

2020 сыл бастыҥнара-Чурапчы улууһун баһылыгын Ороһуоспатааҕы баала

   Хас сыл аайы улууспут бастыҥ үөрэнээччилэригэр, спортсменнарыгар, общественнай олоххо көхтөөх оҕолоругар – Улууспут аҕа баһылыгын ороһуоспатааҕы баала аанын арыйар. Быйылгы тэрээһин, ирдэбил быһыытынан куйаар ситимин нөҥүө ыытылынна. 2020 сыл түмүгүнэн, спортка, үөрэххэ, общественнай олоххо уһулуччу ситиһиилээх оҕолорбут ааттара ааттанна.   Биһиги оскуолабытыттан «Бастыҥ үөрэнээччи-2020» анал ааты Кривошапкина Алина (11 мат/а) , «Бастыҥ спортсмен-2020» - Дьячковскай Айаал (7 г), Иванов Валентин (11 мат/а), Петров Николай (11 мат/а), «Бастыҥ общественник-2020» - Дьячковскай Владимир (11 мат/б) ыллылар. 
   “Чурапчы улууһа” МТ баһылыга А.Т.Ноговицын оҕолор хас биирдии ситиһиилэринэн киэн туттарын эттэ, үлэни-үөрэҕи, спорду өрө тутан өссө да маннык элбэх кыайыы кэлэ турарыгар баҕарда.   Улуус депутаттарын мунньаҕын бэрэссэдээтэлэ Афанасий Афанасьевич Захаров, улуус баһылыгын социальнай боппуруостарга уонна бэйэни салайыныыга солбуйааччы Николай Иннокентьевич Аммосов ыалдьыттаатылар, оҕолорго туһаайан хас биирдии кыайыы, ситиһии улууспут сирэйэ, аата, дойдубут сайдыытыгар кылаат буоларын бэлиэтээтилэр. Саха Республикатын ыччат дьыалатыгар уонна социальнай коммуникацияларга миниистирэ, биир дойдулаахпыт Степан Анатольевич Саргыдаев видео эҕэрдэтин ыытта, оҕолорго тоһоҕолоон туохтан да иҥнибэккэ куруутун инники күөҥҥэ сылдьалларыгар, республикабыт киэн туттар дьоно буола улааталларыгар баҕарда.       
  Быйылгы тэрээһин уратылаах буолла, Үөрэх управлениетын начальнига Юрий Павлович Посельскай аан маҥнайгытын “Признание” анал наҕараадатын 3 араас ситиһиилэрдээх оҕолорго туттарда: Зоя Дмитриеваҕа, Г.Д. Протодьяконов аатынан Алаҕар орто оскуолатын 4 кылааһын үөрэнээччитэ, Алиса Поповаҕа, С.К. Макаров аатынанЧурапчы гимназиятын 11 кылааһын үөрэнээччитэ, Алика Михайловаҕа, С.А.Новгородов аатынан Чурапчы орто оскуолатын 10 кылааһын үөрэнээччитэ.
   Күндү оҕолор, эһиги хас биирдии ситиһиигит, кыайыыгыт, үрдүккэ дьулуургут – бу бүтүн дойдубут кыайыыта, бу Чурапчы улууһун киэн туттуута. 2021 сыл барыгытыгар талбыт эйгэҕитигэр өссө үрдүк ситиһиилэри, дэгиттэр дьоҕуру, эрэллээх доҕотору аҕаллын. Санаабыккыт сатабыллаах буолуохтун,туппуккут туола туруохтун,уурбуккут уйгулаах буолуохтун!!!