Версия для
слабовидящих

Больше . Сброс . Меньше

"Бүтэһик чуораан-2021"

     Ыам ыйын 22 күнүгэр инстаграм ситимин быһа биэриитин нөҥүө билиигэ-көрүүгэ кынаттыыр, үрдүккэ көтүтэ атаартыыр «Бүтэһик чуораан» чугдаарар үөрүүлээх, долгутуулаах тэрээһинэ буолла. Республикабыт кырдьагас, баай историялаах, С.А.Новгородов аатын сүгэр оскуолабыт быйыл 68-с выпуһун көччөх гынан көтүтэр. Быйыл оскуолабытын үс профильнай кылааһынан уопсайа 52 үөрэнээччи бүтэрэр.
   Оскуолабыт директора Надежда Васильевна выпускниктары эҕэрдэлээн,   үөрэнээччилэрбит ситиһиилэрин, үрдүккэ дабайыыларын бэлиэтээн туран үгэс быһыытынан анал ааттары, грамоталары, махтал суруктары, бириэмийэлэри туттартаата.   «Бастыҥ үөрэнээччи» анал аатынан бэлиэтэннэ Кривошапкина Алина, «Бастыҥ спортсмен» - Петров Коля, «Бастыҥ общественник» - Аржакова Милена.
   Оскуола «Дархан» бириэмийэтэ туттарылынна Филиппов Витяҕа, Г.Д. Ефимова аатынан бириэмийэ – Варламов Рустамҥа,  Лукина Аринаҕа,  С.К. Макаров аатынан бириэмийэ –Дьячковскай Володяҕа, Сорокоумов Владиславка,  Е.А.Борисов аатынан бириэмийэ –Фомина Пашаҕа,  Л.И.Сысолятина аатынан бириэмийэ –Жергина Даянаҕа, Алексеева Кристинаҕа, П.Т. Аржаков аатынан бириэмийэ –Тихонова Аняҕа, Евграфова Ленаҕа.
   Улуустаа5ы үөрэх салалтатын аатыттан начальник солбуйааччыта Анастасия Николаевна Осипова быйылгы үөрэх сылыгар үөрэнээччилэр ситиһиилэрин бэлиэтээтэ, оскуоланы бүтэрээччилэргэ эҕэрдэ, махтал, алгыс тылларын этэн туран наҕараадалар анаммыттарын ааттаталаата. Үөрэх салалтатын махтал суругунан бэлиэтэннилэр Флегонтова Света, Флегонтова Лия,  грамотатынан -  Пудова Айыына, Евграфова Лена.  Бүтүн Россиятааҕы үөрэнээччилэр олимпиадаларын призердарыгар Саха республикатын үөрэҕин уонна наукатын грамотатынан наҕараадаланнылар Игнатьев Афоня, физкультура предметин призера,  Егорова Шура, технология предметин призера. Бу үөрэнээччилэр учууталлара Собакин Павел Дмитриевич, оконешникова Валентина Васильевн улуустааҕы үөрэх салалтатын махтал суругунан бэлиэтэннилэр.  Дьячковский Володя республикатааҕы «Юные якутяне» уонна Бүтүн Россиятааҕы оҕо уонна ыччат  «Юнармия» общественнай хамсааһынын махтал суругун тутта, Петров Коля, Лукина Арина, Алексеева Кристина «Чурапчы кэскилэ» оҕо тэрилтэтин махтал суругун уонна   «Дьулуур» республикатааҕы оҕо хамсааһынын  грамотатын туттулар.
   Маны таһынан  Филиппов Витя  С.А.Новгородов аатынан улуустааҕы бириэмийэнэн наҕараадаланна. Иванов Валентин, Петров Коля, Игнатьев Афоня Саха республикатын ФК уонна спортка Министерствотын уонна олимпийскай резервэлэри бэлэмниир киин махтал суруктарын туттулар.
   Чурапчы улууһун ФК уонна спортка салалтатын грамотатынан Сивцева Настя, Игнатьев Афоня, Григорьев Артур, Лукина Арина, Смирникова Аня наҕараадаланнылар. Улуус культуратын салалтатын грамотатын уонна А.П.Гоголев аатынан искусство оскуолатын бириэмийэтин Максимов Кеша ылла.
   Чурапчы улууһун баһылыгын грамотатынан Иванов Валентин наҕараадаланна, «Чурапчы нэһилиэг» муниципальнай тэриллии грамотатынан  - Чепалов Коля, Сорокоумов Владислав.
   Чурапчытааҕы оҕо спортивнай оскуолатын грамотатын туттулар – Никитин Алеша, Смирникова Аня, Яковлев Витя, махтал суругун – Смирникова Аня, Лыткин Миша.
  «Үөрүү» оҕо айымньытын киинин  грамотатынан бэлиэтэннилэр - Игнатьева Айна, Харайданов Виссарион, Степанова Алена, Сорокоумов Владик.
   Тэрээһин биир бэлиэ түгэнинэн маҥнайгы  учууталлар Коркина Айталина Николаевна, Хомподоева Лена Прокопьевна, Слепцова Лена Петровна, Лебедева Елена Степановна, Неустроева Күннэй Афанасьевна видео- эгэрдэлэрэ, алгыс тыллара буолла.
  Салгыы кылаас салайааччылара Собакина Ольга Константиновна (1-кы математическай кылаас),  Малышева Елена Иннокентьевна ( 2-с математическай кылаас), Александрова Анастасия Васильевна (гуманитарнай кылаас) оҕолорун эҕэрдэлээтилэр, баҕа санааларын, алгыстарын анаатылар.
  Выпускниктар ааттарыттан махтал тылы туйгун үөрэнээччибит, бастыҥ общественникпыт Филиппов Витя эттэ. Түмүккэ оҕолорбут вальс үҥкүүлэрин, ырыаларын көрдөрдүлэр, тиһэх чуорааны тыаһаттылар.
 Оскуоланы бүтэрэр оҕолорбутугар экзаменнарын этэҥҥэ туттаран, талбыт үөрэхтэригэр киирэн, олох киэҥ аартыгар эрэллээхтик үктэнэллэригэр баҕарабыт.

11 бастакы математическай кылаас

11 иккис математическай кылаас

11 гуманитарнай кылаас